31.03.2020 / 16:47

Наталля Эйсмант: Мы нічога не хаваем 37

Фота Надзеі Бужан

Аляксандр Лукашэнка сёння на сустрэчы з Наталляй Качанавай даручыў звязацца з кіраўніцтвам Сусветнай арганізацыі аховы здароўя і запрасіць у краіну яе спецыялістаў. З чым звязана такое даручэнне кіраўніка дзяржавы, БЕЛТА расказала прэс-сакратар прэзідэнта Беларусі Наталля Эйсмант.

«Гэта даручэнне звязана з тым, што мы цяпер жывём ва ўмовах у тым ліку і інфармацыйнага каранавіруса. Штодня і штогадзінна назіраем шматлікія спробы як мага мацней разгайдаць сітуацыю ў СМІ. Мы ўсё адсочваем і бачым вельмі шмат размоў, спробаў дэзынфармаваць людзей, выкарыстаць сітуацыю для таго, каб падарваць давер да ўлады», — заявіла Наталля Эйсмант.

«У першую чаргу для таго, каб зняць любыя абвінавачванні і паказаць, што мы нічога не хаваем, прэзідэнт даручыў сёння старшыні Савета Рэспублікі неадкладна звязацца з кіраўніцтвам Сусветнай арганізацыі аховы здароўя і запрасіць сюды яе спецыялістаў. Прычым спецыялістаў, каманду, сфармаваную на яе меркаванне, — распавяла прэс-сакратар. — Гэтым спецыялістам прапануюць ацаніць як працу сістэмы аховы здароўя ў цэлым, так і, падкрэсліваю, цяперашнюю сітуацыю, нашы механізмы процідзеяння самым небяспечным інфекцыям. Пасля гэтага эксперты дадуць публічную ацэнку ўбачанаму — адкрыта і непрадузята. Усё гэта робіцца для таго, каб у далейшым не было ніякіх крыватолкаў».

10
Ёпрст / Адказаць
31.03.2020 / 16:54
Ачко у хеўры пачынае жым-жым!
6
ooo / Адказаць
31.03.2020 / 16:56
Доверия не было с 1994 года.
9
Ladzimir / Адказаць
31.03.2020 / 16:58
Як абрыдлі вы!!!
Паказаць усе каментары/ 37 /
Каб пакінуць каментар, калі ласка, актывуйце JavaScript у наладах свайго браўзеру