Пра гэта старшыня Савета Рэспублікі Наталля Качанава заявіла ў эфіры тэлеканала «Беларусь 1», паведамляе БелТА.
«Меры павінны быць адэкватныя той сітуацыі, якая складваецца ў краіне. Можна ж было сёння ўсё зачыніць, і далей што? Як жыць людзям? Людзі павінны карміцца, людзям трэба працаваць, людзі павінны вучыцца, — адзначыла Наталля Качанава. — Калі браць лічбы, якія ёсць у нас, па захворванні каранавірусам і іншымі інфекцыйнымі хваробамі, яны сёння дазваляюць нам працаваць, і працаваць нармальна. Прымаць экстранныя меры, я думаю, пакуль няма неабходнасці».
Качанава адзначыла, што пра распаўсюд інфекцыі ў Беларусі ходзіць самая розная інфармацыя, часам праўдзівая, а часам і абсалютна хлуслівая.
На яе думку, у грамадстве павінны не распаўсюджваць чуткі, а, наадварот, кансалідавацца і не перашкаджаць працаваць сістэме аховы здароўя. «Мы павінны распачаць усе меры для таго, каб баланс захоўваўся: аказваючы дапамогу па каранавірусе, не забываць, што ёсць людзі, якія хварэюць іншымі хваробамі», — сказала яна.
Старшыня Савета Рэспублікі дадала, што беларускім медыкам цяпер і так даводзіцца няпроста, і паніка толькі пагаршае сітуацыю.
