01.04.2020 / 15:14

Цэх №13 завода імя Вавілава адправілі на каранцін 8

На менскім заводзе імя Вавілава на тыдзень у адпачынак адпраўлены гальванічны цэх. У ім працуе да 100 чалавек. Прычына — у адной з работніц цэха знайшлі каранавірус, паведамляе «Радыё Свабода».

Гэтую інфармацыю, якую ў аўторак, 31 сакавіка, «Свабодзе» на ўмовах ананімнасьці перадала крыніца з прадпрыемства, сёньня пацьвердзілі ў адміністрацыі заводу. З карэспандэнтам «Свабоды» пагадзіўся сустрэцца намесьнік генэральнага дырэктара заводу імя Вавілава Вячаслаў Кузьняцоў.

Вячаслаў Кузьняцоў пацьвердзіў зьвесткі пра выпадак захворваньня на каранавірус, спаслаўшыся на дадзеныя санітарнай службы Першамайскага раёну.

«У панядзелак у другой палове дня пазванілі з санстанцыі і сказалі, што ў нашай працаўніцы знойдзены каранавірус, тэст даў станоўчы вынік. У аўторак мы праверылі ўсіх працаўнікоў цэху, ім замяралі тэмпэратуру. Прыкмет іншых захворваньняў ня выявілі, але з мэтай прафіляктыкі прапанавалі працаўнікам цэху да канца тыдня пабыць на хатнім рэжыме. З захаваньнем дзьвюх трэціх заробку. То-бок гэты цэх, №13, сапраўды не працуе, але ўсё прадпрыемства працягвае працаваць, як раней. У цэху №13 праведзеныя патрэбныя санітарныя захады», — паведаміў Вячаслаў Кузьняцоў.

Што вядома пра працаўніцу заводу імя Вавілава, якая захварэла на каранавірус?

Паводле намесьніка гендырэктара заводу спадара Кузьняцова, працаўніца, якая захварэла на каранавірус, цяпер у шпіталі.

«Яе стан стабільны. Нашыя мэдыкі штодня зь ёй зьвязваюцца, пагаршэньняў няма».

Як магла захварэць працаўніца заводу, Вячаслаў Кузьняцоў зьвестак ня мае. «Да таго, як нам стала вядома пра яе хваробу, яна была на бальнічным. Ведаем, што нядаўна за мяжу яна не выяжджала», — сказаў Вячаслаў Кузьняцоў. Пра ўзрост хворай Вячаслаў Кузьняцоў сказаў: «Скажу гэтак, набліжаецца да перадпэнсійнага».

На менскім мэханічным заводзе імя Вавілава працуе каля 2,5 тысячы чалавек. На прахадной, празь якую праходзяць на працу і працаўнікі суседняга заводу «Пэленг», вартаўнікі ўжо сядзяць у мэдычных масках. Некалькі чалавек у масках выходзілі з прадпрыемства, калі на прахадной афармлялі пропуск для карэспандэнта Свабоды. «Я сама зь іншага цэху, але ведаю, што ёсьць выпадак каранавірусу на гальваніцы. Так, але мы працуем», — сказала жанчына, якая сябе не назвала.

Што будзе далей з 13-м цэхам?

Паводле намесьніка гендырэктара заводу імя Вавілава Вячаслава Кузьняцова, пытаньне, ці запрацуе гальванічны цэх праз тыдзень, будзе вырашацца на пачатку будучага тыдня.

«Шмат залежыць ад сумежнікаў у Расеі. Яны якраз таксама тыдзень не працуюць, таму мы можам сабе дазволіць адправіць гальваніку ў адпачынак, а як будзе далей, паглядзім», — сказаў спадар Кузьняцоў. Зь ягоных словаў, ён падтрымлівае кантакт зь некаторымі працаўнікамі 13-га цэху, якія цяпер на хатнім карантыне.

«Кажуць, у іх стан здароўя нармальны, просяцца на працу», — сказаў Вячаслаў Кузьняцоў.

У 13-м цэху заводу Вавілава, які адпраўлены ў адпачынак, працуе да 100 чалавек.

Хочаш падзяліцца важнай інфармацыяй ананімна і канфідэнцыйна?

9
циник / Адказаць
01.04.2020 / 15:17
это капец. со всей страны идут сообщения о заражении. шкловская чума похоже доигралась. 
3
Водар / Адказаць
01.04.2020 / 15:35
как будет работать ваш гальванический цех никого не интересует, где маршрут перемещения заболевшей, как это делается в нормальных странах?????? С каждого телевизора должны доноситься рекомендации по самоизоляции, чтобы люди не шастали после работы НИКУДА, кроме как закупить продуктов на неделю и то для этого есть доставки и так сидеть как мыши несколько месяцев, пусть медики лечат тех, кто уже болен, не добавляйте им работы! Иначе помогут не всем, будете лечиться дома сами, заберут в стационар только самых тяжелых, тестов делать не будут. 
Врать нам будут до последнего, по-моему все это уже поняли..
4
меркаванне / Адказаць
01.04.2020 / 15:35
Дык, а што замер тэмпературы дае? Чаму б не праверыць на каранавірус? Ужо ж вядома, што чалавек можа і без тэмпературы быць пераношчыкам. Ці ў рэжыма свая "навука", ад сахі-трактара?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру