03.04.2020 / 09:59

Чума старых. Францыя падлічыла колькасць памерлых ад каранавіруса ў дамах састарэлых 3

Хуткасны цягнік пераабсталяваны пад санітарны. Хворых перавозяць з перапоўненых бальніц усходу Францыі ў цэнтр краіны. Фота «Франс-Прэс»

Францыя ажыццявіла падлік старых, якія памерлі, імаверна, ад каранавіруса ў дамах састарэлых. Гэта 884 чалавекі. 

Усяго ў дамах састарэлых у краіне жыве каля мільёна чалавек.

Раней Францыя, як і многія іншыя краіны, улічвала толькі смерці, што здарыліся ва ўстановах аховы здароўя. Новы ўлік прывёў да скачка ў французскай статыстыцы смерцяў. Усяго ў Францыі ад каранавіруса памерлі 5387 чалавек. 

Прыклад Францыі паказвае, што лічба смерцяў ад каранавіруса можа быць большая за ўлічаную статыстыкай у многіх краінах свету.

Асабліва цяжкая сітуацыя з пандэміяй назіраецца ва ўсходнім рэгіёне Францыі — Эльзасе. Гэта звязана з тым, што напачатку распаўсюду інфекцыі хворы чалавек прысутнічаў на вялікім з'ездзе мясцовых вернікаў-евангелістаў, сярод якіх было нямала людзей старэйшага ўзросту. Менавіта гэтая падзея стала месцам масавага распаўсюду інфекцыі. У дамах састарэлых усходняга рэгіёна налічылі 470 смерцяў.

Французскія вайскоўцы разгарнулі каля горада Мюлуз палявы шпіталь для хворых, бо мясцовыя бальніцы цалкам перагружаныя. 

Што датычыць агульнай сітуацыі ў Францыі, то ў ёй праглядаецца першая пазітыўная тэндэнцыя. Праз два тыдні пасля ўвядзення строгага каранціну ён пачынае даваць эфект. Колькасць хворых, якіх выяўляюць за дзень, пачала меншаць, эпідэмія, мачгыма, дасягнула стадыі «плато».

Сяргей Гезгала

Хочаш падзяліцца важнай інфармацыяй ананімна і канфідэнцыйна?

2
Нават / Адказаць
03.04.2020 / 11:11
Калі ж нашы гора- кіраунікі зразумеюць,што яны не самыя разумныя і будуць рабіць тое,што робіць увесь цывілізаваны свет.
1
Аnita / Адказаць
03.04.2020 / 11:46
Наш пенсионный фонд, руки потирает, но забывают что во власти полно тех, кому далеко за шестьдесят.
1
меркаванне / Адказаць
03.04.2020 / 11:53
Нават, не самыя разумныя, затое самые хітраж-я. Навошта рэжыму-банкроту хворыя і старыя? А яны гінуць у першую чаргу і нават публічнай спагады не заслугоўваюць. Анекдоты і тупая пурга, каб апраўдаць сваю бяздзейнасць у час небяспекі- дзе яшчэ такое можна пачуць і убачыць?
Каб пакінуць каментар, калі ласка, актывуйце JavaScript у наладах свайго браўзеру