У Беларусі масавыя мерапрыемствы не забараняюць, але і нікога туды не заганяюць. Пра гэта Аляксандр Лукашэнка заявіў сёння журналістам у час рабочай паездкі ў Смалявіцкі раён, перадае БЕЛТА.
«Нікога не заганяюць. Проста прапануем: калі хочаце, калі ласка, паклічце. Не, значыць, не», — сказаў Аляксандр Лукашэнка.
Ён прывёў у прыклад аматарскі хакейны чэмпіянат, які зараз праходзіць у Беларусі. У ім прымае ўдзел і каманда прэзідэнта. Па словах кіраўніка дзяржавы, адну з апошніх гульняў захацелі наведаць курсанты ваенізаваных ВНУ. Забараняць ім не сталі: яны жывуць у казармах адзін вакол другога, і калі пасядзяць групай на трыбунах, то наўрад ці гэта на нешта паўплывае. Але пасля гульні Аляксандр Лукашэнка даручыў адсачыць стан маладых людзей. «Ніводнай праблемы. Чаго мы будзем забараняць? Гэта не наш падыход і не наша канцэпцыя», — падкрэсліў ён.
