04.04.2020 / 15:08

Крыніцы: Паліклінічных дактароў і медсёстраў рыхтуюць да пераводу ў бальніцы  13

Як стала вядома «Нашай Ніве», у некаторых гарадах краіны — дакладна мы можам казаць пра Мінск і пра Віцебск, — персанал паліклінік рыхтуюць да пераводаў у бальніцы.

Фота Надзеі Бужан.

«Нас папярэдзілі, што калі не будзе хапаць дактароў у бальніцах, то ўсіх тэрапеўтаў накіруюць туды, на прыёме застануцца толькі вузкія спецыялісты, кшталту афтальмолагаў», — сказаў нам тэрапеўт адной са сталічных паліклінік. 

«Маецца на ўвазе, — дадаў ён, — што мы будзем працаваць з хворымі на каранавірус, калі будзе патрэба. Ад чаго залежыць патрэба і калі трэба будзе выязджаць на работу ў іншае месца нам не паведамілі, пакуль што гэта была абвестка для разумення».

У Віцебску работнікі паліклінік паведамілі нам пра аналагічныя захады. Там ужо названы канкрэтныя тэрміны, але гаворка не пра дактароў. 

«Нам прыйшоў загад адпраўляць з наступнага тыдня медсёстраў і санітарак у стацыянары на замену захварэлым медсёстрам бальніц. Шчыра кажучы, не ўсе хочуць, бо шмат пенсіянераў. А некаторыя наадварот: «Мы патрэбны Радзіме!». 

Дактары пакуль што працуюць, але забарона на адпачынкі», — сказалі нам у адной з віцебскіх паліклінік. 

Вядома, што некаторыя віцебскія медыкі захварэлі на каранавірус, але дакладная лічба заражаных невядома. 

NN.by

Хочаш падзяліцца важнай інфармацыяй ананімна і канфідэнцыйна?

20
ВіктарС / Адказаць
04.04.2020 / 15:15
Гэта адэкватны крок.
11
Таки вот / Адказаць
04.04.2020 / 15:36
При той же зарплате? За риск своей жизнью государство Лукашенко платить не собирается врачам? Ну, не знаю. А бы такое государство откровенно послал на их месте.
7
циник / Адказаць
04.04.2020 / 15:58
гэты крок кажа аб тым, што медперсыянала бальнiц скора будзе не хапаць. iдзе бяда з-за несвоечасовага злачыннага iдыёцкага бяздзеяння. 
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру