03.04.2020 / 16:40

У Віцебску ад цяжкай пнеўманіі памерла 47-гадовая медсястра. Першая такая смерць медработніка 26

У Віцебску 2 красавіка за суткі памерлі два чалавекі з пнеўманіяй.

Пра гэта на пасяджэнні абласнога штаба заявіў выканаўца абавязкаў начальніка галоўнага ўпраўлення па ахове здароўя Мікалай Каспіровіч. Такую інфармацыя паведаміла дзяржаўная газета «Віцьбічы», але неўзабаве тэкст знік з сайта, застаўшыся толькі ў кэшы гугла (неўзабаве пасля нашай публікацыі тэкст вярнуўся на сайт — Рэд.

Паводле слоў чыноўніка, за суткі ў Віцебску выяўлены чатыры новыя выпадкі інфекцыі ў пацыентаў, якія ўжо былі на лячэнні. Два чалавекі памерлі.

Першы выпадак — жанчына, старэйшая за 70 гадоў з хранічнымі паталогіямі. Яе тэст на каранавірус яшчэ пераправяраюць.

Другі — медыцынская работніца, у якой была двухбаковая пнеўманія вірусна-бактэрыйнага генэзу. Пацверджаных вынікаў тэста на каранавірус таксама няма.

Як стала вядома «Нашай Ніве», гаворка ідзе пра старшую медсястру аднаго з аддзяленняў Віцебскай гарадской клінічнай бальніцы №1, у гэты час перапрафіляванага пад работу з хворымі і падазраванымі на каранавірус.

Святлане К. было 47 гадоў. Звязацца са сваякамі пакуль не ўдалося.

Калегі жанчыны пацвярджаюць яе дыягназ — духбаковая полісегментарная пнеўманія.

Гэта першая такая смерць медработніка ў Беларусі. 

Чытайце таксама: «Мама вельмі любіла медыцыну і сваю справу». У Віцебску ад пнеўманіі памерла 47-гадовая медсястра

АЯ

Хочаш падзяліцца важнай інфармацыяй ананімна і канфідэнцыйна?

4
Васіль / Адказаць
03.04.2020 / 16:46
Дзякуй вам, медыкі. І прабачце ... Толькі не маўчыце, калі ласка. Паведамляйце пра рэальную сітуацыю, гэта можа змусіць улады дзейнічаць.
3
циник / Адказаць
03.04.2020 / 16:58
зямля пухам, вечная памяць.
5
Кругом работающие пенсионеры / Адказаць
03.04.2020 / 17:00
Она работала. Платила налоги, в пенсионный фонд, профсоюзные. До пенсии не дожила. Потом говорят дефицыт пенсионного бюджета. Сколько людей не доживают до пенсии. Где эти деньги?!
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру