03.04.2020 / 16:49

Кітай накіруе ў Беларусь яшчэ тры барты з медыцынскай гуманітарнай дапамогай 4

Кітай накіруе ў Беларусь яшчэ тры барты з медыцынскай гуманітарнай дапамогай. Пра гэта карэспандэнту БелТА паведаміў намеснік міністра аховы здароўя Беларусі Барыс Андрасюк.

Паводле слоў намесніка міністра, гуманітарная дапамога будзе прыбываць траншамі. Першы ўжо дастаўлены. Наступны збірае пасольства. «Трэці транш будуць дасылаць кітайскія заводы, чацвёрты — гарады-пабрацімы, — сказаў Барыс Андрасюк. — Гэта будзе яшчэ тры вялікія барты».

Першым траншам з Кітая ў Беларусь прыбылі тэсты на каранавірус, сродкі індывідуальнай аховы і бескантактавыя інфрачырвоныя тэрмометры. Паводле слоў намесніка міністра, наступны транш, як чакаецца, будзе ў 20 разоў большы за папярэдні.

1
Алесь / Адказаць
03.04.2020 / 18:09
Дзякуй. Своечасова.
3
Юджын / Адказаць
03.04.2020 / 18:57
Спадзяюся, што зараз змоўкнуць тыя, хто крытыкаваў улады за адпраўку двух самалётаў з гуманітарнай дапамогай у Кітай. Улады можна крытыкаваць за шмат іншых пралікаў у барацьбе з каранавірусам, але тое быў добры жэст, які кітайцы ацанілі. Між тым, "браты"-расіяне здаецца нічога не прыслалі і можа гэта і да лепшага... Пакуль беларусам ў барацьбе з заразай больш за ўсе дапамагаюць ЗША, Кітай, Еўрасаюз і самі беларусы-валанцёры.
1
меркаванне / Адказаць
04.04.2020 / 00:34
Юджын, пакуль прыляцела кітайскае, то тут нават лекарам не хапала сродкаў абароны. І рабіць добрыя жэсты іншым, па-мойму, добра тады, калі не адымаеш апошняе ў сваіх. А то потым расказваў, што дактары бралі аналізы ў "піжамах", таму і заразіліся. Дык можа таму, што ўсё неабходнае "харошы дзядзя" адправіў сваім крэдыторам, а свае лекары ператопчуцца?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру