26.03.2009 / 17:49

Арсен Венгер не шкадуе, што развітаўся з Глебам 2

Арсен Венгер, фота lenta.ru

Галоўны трэнер лонданскага «Арсенала» Арсен Венгер мяркуе, што не памыліўся з рашэннем развітацца ў міжсезонне з шэрагам вопытных футбалістаў

[у тым ліку, відаць, і з Аляксандрам Глебам, што перайшоў у каталонскую «Барселону» - НН] і зрабіць стаўку на моладзь.

«Вырашыўшы зноў узяцца за будаванне маладой каманды, я цудоўна разумеў, што буду пад абстрэлам жорсткай крытыкі. Быў гатовы да гэтага. Я усцешаны, што не памыліўся з выбарам. Але наперадзе у нас яшчэ доўгі шлях і шмат працы. Прыйдзецца яшчэ шмат чаму павучыцца», — цытуе словы французскага спецыяліста Спорт‑Экспресс, спасылаючыся на афіцыйны сайт клуба.

***

Пасля 30 тураў «Арсенал» з 55 баламі займае 4‑е месца ў чэмпіянаце Англіі, гэтае месца дае пуцёўку ў Лігу чэмпіёнаў на наступны сезон. Адставанне ад «Чэлсі», што ідзе трэцім, складае шэсць пунктаў.

Каманда працягвае выступ у сёлетнім розыгрышы Лігі чэмпіёнаў (у чвэрцьфінале згуляе з іспанскім «Вільярэалам», матчы - 7 і 15 красавіка),

а таксама ў Кубку Англіі. У паўфінале, дарэчы, нас чакае суперматч: «Арсенал»«Чэлсі» (18 красавіка).

«Арсенал» быў заснаваны ў 1886 г.

Клуб базуецца на паўночным захадзе Лондана, акурат у гэтым раёне месцяцца некалькі беларускіх дамоў (Скарынаўская бібляітэка, Марыян‑Хаўс, Беларускі дом). Напрыклад, з Беларускага дома бачна клубная арэна - «Эмірэйтс» (Эшбэртан Гроўв)

«Арсенал» — 13‑разовы чэмпіён Англіі, апошні раз браў тытул у 2004 г. (у тым ліку за Арсенам Венгерам тройчы).

У 2006 г. «Арсенал» дайшоў да фінала Лігі чэмпіёнаў, дзе саступіў «Барселоне».

Аляксандр Глеб правёў у клубе тры сезоны: 2005/2006, 2006/2007, 2007/2008. Згуляў за клуб 89 матчаў, забіў сем мячоў.

nn.by

0
А.Я. / Адказаць
27.03.2009 / 03:16
Клюбная арэна Арсэналу завецца проста "Эмірэйтс", гэта камэрцыйная назва на 10 гадоў. Арыгінальная назва - Эшбэртан Гроўв
0
Alecha / Адказаць
27.03.2009 / 14:32
Арсен - прафесіянал, выказваць нейкія спачуванні з нагоды сыходу каго б там не было было б смешна. Сыйшоў дык сыйшоў, аб чым тут шкадаваць. Такія людзі як Венгер не абарочваюцца назад, для яго Глеб - адпрацаваны матэрыял
Каб пакінуць каментар, калі ласка, актывуйце JavaScript у наладах свайго браўзеру