04.04.2020 / 13:06

«А мы працягвалі прымаць адпачываючых». У інфекцыёнцы памёр супрацоўнік санаторыя «Пралеска» ў Ждановічах  17

Санаторый «Пралеска». Фота з сайта санаторыя

У ноч на 2 красавіка памёр супрацоўнік санаторыя «Пралеска», што ў Ждановічах. Ён ляжаў з пнеўманіяй у раённай бальніцы, пасля яго перавялі ў мінскую інфекцыёнку, куды накіроўваюць людзей са станоўчым аналізам на каранавірус.

Па інфармацыі «Нашай Нівы», памерлы Валер Ш. працаваў электрыкам, жыў у прыгарадзе. Яму было каля 60 гадоў.

Некалькі тыдняў таму мужчына ляжаў у абласной бальніцы, правяраў сэрца. Пасля выйшаў на працу, пабыў пару змен. А потым злёг з пнеўманіяй.

У пятніцу, 27 сакавіка, яго паклалі ў Мінскую цэнтральную раённую бальніцу ў Бараўлянах. У сераду перавялі ў гарадскую інфекцыйную бальніцу, дзе яго і не стала.

«Тры дні ляжаў на калідоры, напэўна, запусцілі», — наракаюць калегі па працы.

На наступны дзень пасля смерці мужчыны супрацоўнікаў санаторыя папрасілі прадаставіць спіс кантактаў першага ўзроўню.

У «Пралесцы» адпачываюць у асноўным пажылыя. Раней у дзвюх жанчын з аднаго з заездаў дыягнаставалі каранавірус, расказалі «Нашай Ніве» супрацоўнікі санаторыя. А праз час у санаторый сталі прыязджаць «хуткія» і забіраць работнікаў як кантактаў. Кажуць, сярод іх былі пакаёўкі, афіцыянткі, медыкі. Многія — ва ўзросце.

«А мы працягвалі працаваць і прымаць адпачываючых», — перажываюць людзі.

Адміністрацыя санаторыя каментаваць выпадкі каранавіруса ці іх адсутнасць адмовілася.

«Ну што вы, не ведаеце артыкул 46 [артыкул аб медычнай таямніцы закона аб ахове здароўя]? Ніякай інфармацыі даць не магу. Каранціну ў нас няма. Здраўніца працуе ў штатным рэжыме», — адказаў дырэктар «Пралескі» Сяргей Падкавыраў.

Санаторый уваходзіць у сістэму холдынга «Амкадор».

Чытайце таксама: У Мінску ад каранавіруса памёр 60-гадовы інжынер аднаго з сакрэтных прадпрыемстваў. У яго не было хранічных захворванняў

Чытайце таксама: У Віцебску ад цяжкай пнеўманіі памерла 47-гадовая медсястра. Першая такая смерць медработніка

Наталля Лубнеўская

Хочаш падзяліцца важнай інфармацыяй ананімна і канфідэнцыйна?

9
Ёпрст / Адказаць
04.04.2020 / 13:10
І які Сусанін заводзіць Беларусь у італьянскі варыянт эпідэміі?
23
Таки вот / Адказаць
04.04.2020 / 13:11
«А мы працягвалі прымаць адпачываючых».
А мне почему-то все менее жаль дураков и рабов. Мозг человеку дан, чтобы думать, а уж потом слушаться начальство. Не хотите думать о своей безопасности, не готовы перечить преступной халатности властей, вымирайте. Я вам не Доктор Айболит.

https://nn.by/?c=ar&i=249317
14
Злюка / Адказаць
04.04.2020 / 13:12
Ну кто же ездит в санатории в эпидемию? Ну подумать  головой надо... Очень печальные итоги ......
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру