Колькасць зняволеных у французскіх турмах зменшылася. 6266 чалавек былі вызваленыя за перыяд з 16 сакавіка па 1 красавіка з-за эпідэміі каранавіруса, паведамляе RFI.
Па даных на 1 красавіка, у 188 французскіх турмах утрымліваліся 66 309 зняволеных. 16 сакавіка іх было 72 575. Памяншэнне гэтага паказчыка звязана, па-першае, з ініцыяванай Міністэрствам юстыцыі кампаніяй па датэрміновым вызваленні, па-другое, з тым, што на фоне эпідэміі юрыдычны апарат у краіне працуе павольней і ў турмы паступае менш новых зняволеных.
