Наталля Эйсмант купіла апартаменты ў «Алімпік Парку» за $167 тысяч
Наталля Эйсмант, прэс-сакратарка Аляксандра Лукашэнкі, набыла аднапакаёвую кватэру плошчай 108,4 метра ў комплексе «Алімпік Парк», які будуе кампанія «Тапас» непадалёку ад вадасховішча «Дразды». Угода была заключана ў сакавіку 2019 года. Элітная нерухомасць каштавала 355 тысяч рублёў ($166 550 па тагачасным курсе).
Цікава, што прэс-сакратарка кіраўніка краіны набыла кватэру не непасрэдна ў забудоўшчыка, кампаніі «Тапас», як большасць яе суседзяў. Жыллё ёй прадаў «А. П. Белы».
Аляксандр Паўлавіч Белы (раней Левенштэйн) — былы хакеіст і былы генеральны менеджар хакейнага мінскага «Дынама». Ён бацька Паўла Белага, нападаючага хакейнай каманды Аляксандра Лукашэнкі і топ-менеджара кампаніі «Тапас».
Сітуацыя з кватэрай такая: у студзені 2019 года «А. П. Белы» набыў яе ў «Тапаса» за $165 760. А праз два з паловай месяцы перапрадаў Эйсмант прыблізна за тыя самыя грошы. За кошт змены курсаў цана ў далярах трохі вырасла, а ў рублях — зменшылася.
Ці можна лічыць гэту цану рынкавай? Вясной 2019 года ў тым самым пад'ездзе «Тапас» прадаў такую самую кватэру за $190 тысяч — гэта на 15% даражэй, чым цана для «А. П. Белага» і, адпаведна, для Наталлі Эйсмант.
Па інфармацыі «НН», раней прэс-сакратарка кіраўніка краіны жыла ў службовай кватэры ў сталічным раёне Каменная Горка.
Чытайце:
Пяць фактаў пра прэс-сакратарку Лукашэнкі Наталлю Эйсмант — шмат ФОТА
Кіраўнік ДАІ купіў таўнхаус у «Лебядзіным» за $290 тысяч. Іншы пакупнік аддаў за такое жыллё $450 тысяч
-
Антаніна Канавалава расказала, як яе прымушалі падпісаць прашэнне пра памілаванне
-
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
-
«Хапай яе за азадак, зацягні ў туалет». У Варшаве заявілі ў пракуратуру на пікап-трэнера з Беларусі Алекса Леслі
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце25
Каментары