Стала вядома, што з 1 красавіка Рэспубліканскі клінічны шпіталь медыцынскай рэабілітацыі ў Аксакаўшчыне пад Мінскам перастаў прымаць пацыентаў. Прычынай стаў каранавірус у аднаго з хворых. У шпіталі кажуць, што гэта не каранцін, паведамляе «Радыё Свабода».
«Каранцін прадугледжвае выстаўленне пастоў міліцыі на ўваход і на выхад, — сказалі «Свабодзе» ў прыёмным аддзяленні. — У нас частка супрацоўнікаў ездзіць дадому. Так што гэта не каранцін. Мы проста не прымаем людзей, закрытыя для шпіталізацыі».
У шпіталі не сталі каментаваць магчымыя выпадкі заражэння сваіх супрацоўнікаў. Як доўга шпіталь будзе закрыты для прыёму пацыентаў, пакуль таксама невядома.
0
0
0
0
0
0