Agencja Gazeta
Польшча ўсё яшчэ знаходзіцца ў пачатку эпідэміі каранавіруса, пік захворвання чакаецца ў маі і чэрвені. Пра гэта заявіў прэм'ер-міністр Польшчы Матэуш Маравецкі, перадае TVN24.
Паводле яго слоў, у Польшчы ў найбліжэйшыя дні павялічаць ахоп тэставання на каранавірус. За суткі будуць праводзіць 8000-9000 тэстаў на каранавірус. На гэты момант гэты паказчык складае 6000-7000.
Як паведамлялася раней, Польшча ўвяла абмежаванні на перамяшчэнні. З дому можна выходзіць у краму па прадукты, каб наведаць блізкіх сваякоў, у аптэку, да доктара ды выводзіць на шпацыр сабакаў. Таксама асобы, што маюць працу, якую немагчыма выконваць дыстанцыйна, будуць мець права выходзіць на вуліцу, каб дабрацца да месца працы і вярнуцца дамоў. Пад забарону перамяшчэнняў не падпадаюць валанцёры, што дапамагаюць у барацьбе з эпідэміяй.
Дзейнічае забарона выходзіць на вуліцу у групах, большых за дзве асобы (за выключэннем сем’яў). Штраф за парушэнне — да 5 тыс. злотых (каля 1,5 тыс. еўра).
Таксама ў транспарт трэба сядаць, калі занята не болей за палову пасадачных месцаў.
