07.04.2020 / 07:26

У праваслаўных сёння вялікае свята — Дабравешчанне. Гэты дзень лічыўся пачаткам вясны 6

Праваслаўныя вернікі сёння адзначаюць адно з самых вялікіх святаў — Дабравешчанне Прасвятой Багародзіцы.

Гэтае свята адзначаецца ў памяць пра падзею, калі архангел Гаўрыіл, пасланы Богам у горад Назарэт, апавясціў Дзеву Марыю пра бязгрэшнае зачацце і нараджэнне ёю Сына. 

Слова «дабравешчанне» (па-грэчаску — «евангелле») азначае «добрая, радасная вестка», вестка пра тое, што пачалося вызваленне чалавечага роду ад граху і вечнай смерці.

Дабравешчанне таксама супадае ў народным уяўленні з пачаткам вясны. 

Таксама па сённяшнім дні меркавалі, якім будзе лета. Калі цёплы дзень, то і лета будзе цёплым. Сёння ж будзе цёпла.

Таксама лічылася, што ў гэты дзень нельга працаваць, тым больш у гародзе. «На Дабравешчанне дзеўка касу не пляце, птушка гнязда не ўе», — казалі ў народзе.

NN.by

Хочаш падзяліцца важнай інфармацыяй ананімна і канфідэнцыйна?

3
Доктар / Адказаць
07.04.2020 / 09:21
Звеставанне лепей гучыць
0
Кажыма праўду / Адказаць
07.04.2020 / 09:53
Са святам, браты беларусы. Божа, барані Беларусь.

28 Анёл, увайшоўшы да Яе, сказаў: радуйся, Дабрадатная! Гасподзь з Табою; дабраславёная Ты сярод жанчын.
29 А Яна, угледзеўшы яго, сумелася ад словаў ягоных і разважала, што б гэта было за вітаньне.
30 І сказаў Ёй анёл: ня бойся, Марыя, бо Ты здабыла мілату ў Бога;
31 і вось, зачнеш ва ўлоньні, і народзіш Сына, і дасі Яму імя: Ісус;
32 Ён будзе вялікі і будзе названы Сынам Усявышняга; і дасьць Яму Гасподзь Бог пасад Давіда, бацькі Ягонага;
33 і будзе валадарыць над домам Якава вечна, і Царству Ягонаму ня будзе канца.

Лк. 1:28-33 (пераклад Васіля Сёмухі)
1
Вітольд / Адказаць
07.04.2020 / 10:52
Доктар, мая праваслаўная баба Маня заўжды казала "Звеставанне".
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру