07.04.2020 / 08:10

У Польшчы прапанавалі з-за каранавіруса правесці выбары прэзідэнта па пошце 9

Ніжняя палата польскага парламента (Сойм) у панядзелак прыняла прапанаваны кіруючай партыяй «Права і справядлівасць» (ПіС) праект паправак у Выбарчы кодэкс, які дазваляе правесці чарговыя выбары прэзідэнта краіны, прызначаныя на 10 мая, дыстанцыйна — з дапамогай пошты, піша tass.ru.

Аўтары праекта заяўлялі, што паштовае галасаванне — неабходная мера, каб засцерагчы выбаршчыкаў у перыяд пандэміі. Супраць выступілі не толькі прадстаўнікі апазіцыі, але і палітычнае аб'яднанне «Паразуменне» віцэ-прэм'ера Яраслава Говіна, якое ўваходзіць у кааліцыю з ПіС. Ён прапанаваў перанесці выбары на два гады, змяніўшы Канстытуцыю і падоўжыўшы паўнамоцтвы дзейнага прэзідэнта Анджэя Дуды з цяперашніх пяці да сямі гадоў. Апазіцыя заявіла, што не падтрымае гэтую ініцыятыву.

Але з другой спробы ПіС удалося ўнесці праект на разгляд Сойму і зацвердзіць яго.

Як адзначаюць назіральнікі, папраўкі ў выбарчы кодэкс ПіС вырашыла ўводзіць занадта позна. Нават калі Сенат (верхняя палата парламента) аператыўна іх зацвердзіць, на падрыхтоўку да дыстанцыйнага галасавання ў краіне з 30 млн выбаршчыкаў застанецца менш за тыдзень.

У Польшчы колькасць выяўленых выпадкаў заражэння каранавірусам дасягнула 4 413, 107 чалавек памерлі, 162 ачунялі. Для процідзеяння пашырэнню інфекцыі ўлады Польшчы ўвялі рэжым эпідэміі, зачынілі межы для іншаземцаў і адпраўляюць ўсіх, хто ўязджае ў краіну, на 14-дзённы каранцін. У краіне зачыненыя ўсе ўстановы, за выключэннем прадуктовых крам і аптэк. Жыхарам забаронена выходзіць з дому без крайняй неабходнасці. Усе грамадзяне абавязаны выконваць сацыяльную дыстанцыю ў два метры.

10 мая ў Польшчы павінен прайсці першы тур прэзідэнцкіх выбараў. Калі ніхто з кандыдатаў не набярэ больш за 50% галасоў, 24 мая адбудзецца другі тур з удзелам двух кандыдатаў, якія набралі найбольш. З-за пандэміі выбарчая кампанія фактычна замарожаная. Паводле апытанняў, больш за 70% жыхароў Польшчы лічаць неабходным перанесці волевыяўленне на пазнейшы тэрмін.

Хочаш падзяліцца важнай інфармацыяй ананімна і канфідэнцыйна?

NN.by

0
Алесь Тыбульскi / Адказаць
07.04.2020 / 08:23
О! Ідэя! А ў нас можна па радзіву! Гэта ж колькі грошай зэканомім! А Ярмошына намалюе вынік як звычайна...
6
Алексей минский / Адказаць
07.04.2020 / 09:13
Очень смешно....
4
Той самы / Адказаць
07.04.2020 / 10:43
Палякі нічога новага не прыдумалі. У Бельгіі, Францыі, Італіі дазваляецца галасаваць па пошче для тых, хто знаходзіцца за межамі дзяржавы.

А вось у Аўстрыі, Аўстраліі, В.Брыт., Нямеччыне, Гішпаніі, Канадзе, Нов.Зел., Швайцарыі, Швецыі галасаваць па пошце маюць права грамадзяне і з-за мяжы, і тыя хто знаходзіцца ў краіне.

А вось працяг паўнамоцтваў прэзідэнта - гэта вельмі і вельмі небясьпечна, ведаем гэта на ўласнай скуры. Увогуле, важна хто і як вядзе падлік...
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру