Delfi.lt
У Літве каранцін працягнуты на два тыдні да 27 красавіка. Пра гэта прэм'ер Саўлюс Сквярняліс напісаў у сваім фэйсбуку.
«Так, каранцін будзе працягнуты яшчэ на два тыдні. І я памятаю тое, што казаў учора: мы спадзяёмся, што пасля Вялікадня можна будзе пачаць думаць пра паслабленне каранцінных умоў. Перш за ўсё, калі гаворка ідзе пра малы бізнэс», — напісаў Сквярняліс.
Ён дадаў, што пры ўмове, што ўсім удасца правільна «перажыць» велікодныя выхадныя. «Таму яшчэ раз прашу адказнага стаўлення да сябе і іншых.
Заставайся дома. Не наведвайце бабуляў і дзядуляў, бацькоў, сваякоў, якія жывуць у іншых гарадах. Прытрымлівайцеся каранцінных умоў, гэта вельмі важна».
Па стане на раніцу 7 красавіка ў Літве выяўлена 880 выпадкаў, 15 чалавек памерлі.
