07.04.2020 / 10:59

Данія прымусіла каранавірус адступіць, паступова змякчае каранцінныя абмежаванні 4

flickr.com

Прэм'ер-міністр Даніі Метэ Фрэдэрыксен у панядзелак абвясціла пра паступовае змякчэнне абмежавальных мер, уведзеных для стрымлівання пандэміі захворвання COVID-19, выкліканага каранавірусам SARS-CoV-2. Так, дзіцячыя сады і пачатковыя школы адновяць працу ўжо з 15 красавіка. Астатнія школьнікі змогуць вярнуцца ў класы з 10 мая, піша Deutsche Welle.

Эксперты ў галіне аховы здароўя лічаць падобны крок «разумным і апраўданым», адзначыла яна. Пры гэтым кіраўнік дацкага ўрада нагадала пра неабходныя меры засцярогі.

Аднак бары, рэстараны, дыскатэкі, цырульні, масажныя салоны і гандлёвыя цэнтры пакуль застануцца зачыненымі.

Акрамя таго, жыхарам Каралеўства па-ранейшаму забаронена збірацца групамі больш за 10 чалавек. «Паўсядзённае жыццё пакуль што не вернецца ў ранейшае рэчышча. Мы пражывем яшчэ многія месяцы з вялікім лікам абмежаванняў», — падкрэсліла Фрэдэрыксен, заклікаўшы суграмадзян прытрымлівацца іх.

Па афіцыйных звестках, у Даніі (уключаючы аўтаноміі — Фарэрскія выспы і Грэнландыю) да вечара 6 красавіка выяўлена больш за 4800 заражэнняў каранавірусам і 187 смерцяў.

Хочаш падзяліцца важнай інфармацыяй ананімна і канфідэнцыйна?

NN.by

57
шлёма / Адказаць
07.04.2020 / 11:34
Дания частисно снимает карантин. Она поняла, что карантин никакого эыфекта не дает. Зараженных 4800 человек, умерших 187. У нас без карантина умерших 13 человек.
11
Common Sense / Адказаць
07.04.2020 / 15:58
Нарэшце гістэрыя суціхае і людзі пачаныюць думаць. А ці была ўвогуле пандэмія? Навошта дарма эканоміку падрывалі?
0
Крэйзі / Адказаць
07.04.2020 / 17:45
шлёма, так, іх, мусіць, забівае карантынная дэпрэсія... У вас усё добра?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру