07.04.2020 / 12:01

Кандрусевіч пра святкаванне Вялікадня ва ўмовах эпідэміі: Мы патрабуем больш адказаў ад дзяржструктураў 8

Падчас прэс-канферэнцыі на тэму святкавання Вялікадня ва ўмовах эпідэміі арцыбіскуп Тадэвуш Кандрусевіч звярнуў увагу на недастатковае інфармаванне з боку адказных дзяржаўных структур, паведамляе catholic.by

«Я не хачу ўваходзіць у рашэнні дзяржаўных уладаў, але калі збіраюцца прадстаўнікі ўсіх рэлігій, усіх канфесій [на малітве ў Чырвоным касцёле — рэд.], <варта> прыйсці і сказаць, разам паразмаўляць: у нас ёсць шмат пытанняў.

Бо была Пальмовая нядзеля, мы асвячаем вербы. Я не спецыяліст у гэтай справе, я не ведаю, ці гэтая вада нясе з сабой заразу, ці не. У суботу трэба будзе асвячаць пасхальную ежу — я таксама не ведаю.

Я запрасіў <міністра на малітву — рэд.>, каб задаць пытанне Міністэрству аховы здароўя: «Што мы павінны рабіць? Чаму вы нічога не кажаце?!» Я праз вас, праз медыя, хачу сустрэчы з кімсьці адказным, канкрэтныя адказы каб былі.

Вы бачыце, Касцёл робіць шмат для таго, каб гэтага <заражэння> не было. У Пальмовую нядзелю ў большасці касцёлаў цэлебравалася святая Імша на вуліцы, там, дзе гэта магчыма, каб была, як кажуць сёння, «сацыяльная дыстанцыя». Мы патрабуем больш адказаў, аднак мяне не чуюць.

Дзякуй Богу, ужо інфармацыі больш з’явілася, гэта трохі супакойвае людзей <…> Гэта вельмі важна.

Мне таксама хацелася б сустрэцца з кімсьці: да нас шмат людзей прыходзіць, а мы не спецыялісты; мы самі не ведаем, што рабіць, а з боку Міністэрства аховы здароўя няма ніякай ініцыятывы»,— падкрэсліў кіраўнік беларускага каталіцкага епіскапату.

Пры гэтым ён адзначыў добрую арганізацыю медыцынскіх захадаў і вялікія намаганні беларускіх медыкаў у змаганні з эпідэміяй, а таксама выказаў ім шчырую падзяку за іх самаахвярную працу.

2
Павел / Адказаць
07.04.2020 / 12:11
"...з боку Міністэрства аховы здароўя няма ніякай ініцыятывы"
При диктаторских режимах всегда так, все госструктуры, все чиновники, ждут команду "главного", что он скажет, что разрешит говорить. А пока "главный" молчит или приказывает "не разводить панику", чиновники молчат. А люди в это время заражаются и умирают. Поэтому беспокойство бискупа понятно и справедливо.

2
Алесь Раткевіч / Адказаць
07.04.2020 / 12:23
Вельмі слушнае пытанне да "ГЛУХАНЯМЫХ"! Не выключаю што зараз у адказ і Кандрусевіча звінавацяць у панікёрстве,за канструктыўнае і вельмі важнае для ўсіх нас пытанне.
69
шлёма / Адказаць
07.04.2020 / 13:03
Так что святая вода может быть заражена? Какая она тогда святая?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру