Мітрапаліт Мінска-Магілёўскі арцыбіскуп Тадэвуш Кандрусевіч заклікае каталікоў адсвяткаваць Вялікдзень, што будзе адзначацца 12 красавіка, дома. Пра гэта ён заявіў сёння журналістам, піша БелТА.
«З аднаго боку, гэта добра, што людзі ідуць у касцёл і цягнуцца да Бога. Але, з іншага боку, людзі чытаюць інфармацыю ў інтэрнэце. Я не магу загадаць не ісці ў касцёл, але я заклікаю глядзець на стан свайго здароўя і выконваць неабходную дыстанцыю падчас наведвання храма», — сказаў Тадэвуш Кандрусевіч.
