07.04.2020 / 15:28

Борыс Джонсан не знаходзіцца на штучнай вентыляцыі лёгкіх 1

Прэм'ер-міністр Вялікабрытаніі Борыс Джонсан, які заразіўся каранавірусам, не знаходзіцца на штучнай вентыляцыі лёгкіх. Аб дэталях яго лячэння паведамляе выданне Mirror.

Вядома, што Джонсан знаходзіцца ў аддзяленні інтэнсіўнай тэрапіі бальніцы Святога Томаса ў Лондане. Яго лячэнне ўключае ў сябе вентыляцыю лёгкіх пастаянным станоўчым ціскам (CPAP) - звычайна яе выкарыстоўваюць пры абструктыўным апноэ (спыненні дыхання) у сне. На думку дактароў, CPAP можа быць эфектыўная і для пацыентаў з COVID-19 на пачатковым этапе хваробы. Крыніцы ў бальніцы ўдакладнілі, што Джонсану спатрэбілася каля чатырох літраў кіслароду.

Дактары распавялі, што брытанскі прэм'ер здаў некалькі аналізаў, каб праверыць узровень кіслароду, колькасць лейкацытаў у крыві, а таксама функцыі печані і нырак. Акрамя таго, яму зробяць электракардыяграму.

Раней прэс-сакратар Джонсана паведаміў, што яго стан пагоршыўся. Паводле заявы прадстаўніка ўрада, на працягу некалькіх гадзін у палітыка ўзмацніліся сімптомы хваробы, у сувязі з чым ён быў пераведзены ў рэанімацыю. Па парадзе медыцынскай брыгады Джонсана змясцілі ў аддзяленне інтэнсіўнай тэрапіі.

NN.by

Хочаш падзяліцца важнай інфармацыяй ананімна і канфідэнцыйна?

10
Джанни Родари / Адказаць
07.04.2020 / 15:56
Че то мне не нравятся англосаксы, хотя Боря из других...
Каб пакінуць каментар, калі ласка, актывуйце JavaScript у наладах свайго браўзеру