07.04.2020 / 16:01

Міністр Каранік: Урад разглядае пытанне дадатковага заахвочвання медыкаў, што працуюць з каранавірусам 11

Пра гэта паведаміў журналістам, адказваючы на ​​пытанне БЕЛТА, міністр аховы здароўя Уладзімір Каранік сёння па выніках нарады ў Лукашэнкі аб гатоўнасці сістэмы аховы здароўя процідзейнічаць пагрозам распаўсюджвання інфекцыі.

Міністр адзначыў, што зараз «тыя медыкі, якія працуюць з каранавіруснымі хворымі, ужо атрымліваюць мэтавыя даплаты, звязаныя з павышэннем напружанасці працы». «Урадам на сённяшні момант абмяркоўваецца пытанне павелічэння гэтых даплат для таго, каб яшчэ раз прадэманстраваць, наколькі каштоўная медыцынская праца», — падкрэсліў міністр.

Пры гэтым ён заўважыў: «Хоць колькі мы ні размаўлялі з нашымі калегамі, ніхто не ставіў на першае месца менавіта пытанне матэрыяльнага стымулявання. Людзі выконваюць свой доўг, але мы разумеем, у якіх цяжкіх умовах яны працуюць, і, па-першае, ужо павялічылі даплаты, а па-другое, будзем імкнуцца рабіць гэта і далей», — падкрэсліў Уладзімір Каранік.

NN.by

Хочаш падзяліцца важнай інфармацыяй ананімна і канфідэнцыйна?

2
Туш / Адказаць
07.04.2020 / 16:42
У Белдзяржстраха ёсць страхоўка ад Ковід 19. Вось і застрахавалі бы ўсіх медыкаў, персанал, мед.брыгады гэтай страхоўкай за дзяржаўны кошт. Такім чынам медыкі былі бы ўпэўнены, што іх жыццё таксама вартае і ў выпадку чаго грошы атрымаюць яны ці родныя.
0
Алёна К. / Адказаць
07.04.2020 / 17:54
Пытанне павінна было быць разгледжана ўжо ўчора! І ад доктара да санітаркі, кожны павінен ужо цяпер атрымліваць падвойны тарыф.
0
Баршчэўскі / Адказаць
07.04.2020 / 18:21
трэба скараціць непатрэбную армію ідэолухаў і яшчэ паўарміі сілавікоў - і мэдыкам заробкі можна будзе падвысіць у разы.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру