У Віцебскай вобласці 38 медыцынскіх работнікаў заразіліся каранавірусам. Большасць захварэлых — у Віцебску. Такія звесткі агучылі 7 красавіка на пасяджэнні абласнога аператыўнага штаба па абароне ад COVID-19, паведамляе тэлерадыёкампанія «Віцебск».
Акрамя таго, многія медработнікі адсутнічаюць на працы — з-за таго, што хварэюць на іншыя вірусныя інфекцыі і на запаленне лёгкіх. «І сёння гэта вялікая праблема для ўсіх рэгіёнаў вобласці», — адзначылі ў рэпартажы.
Сродкаў індывідуальнай абароны для медыкаў у Віцебскай вобласці «востра не хапае», адна з ключавых задач — забеспячэнне дактароў і медсясцёр сродкамі індывідуальнай абароны.
0
0
0
0
0
0
