8 красавіка ўрад Літвы прыме рашэнне аб працягу каранціну і яго ўмовах. Міністэрства аховы здароўя падала ўраду праект, у якім прапануецца падоўжыць каранцін да 27 красавіка ўключна, паведамляе Delfi.
У пастанове гаворка ідзе і пра велікодныя выхадныя. Каб абмежаваць сходы людзей у святы, рух плануюць абмежаваць з 20-й гадзіны 10 красавіка да 20-й гадзіны 13 красавіка. Будзе абмежаваны рух жыхароў, яны не змогуць уязджаць у гарады і населеныя пункты, дзе ў іх няма нерухомасці. Выключэнне тычыцца толькі паездак на пахаванне, да цяжка хворых або да пацярпелых у выпадку няшчасця і на працу.
0
0
0
0
0
0
