08.04.2020 / 22:27

МЗС дапамагло вярнуцца на радзіму больш як 6390 беларусам 7

Міністэрства замежных спраў аказала дапамогу ў розных фарматах вяртання на радзіму ўжо больш як 6 390 беларусам, паведамляе БелТА.

У прыватнасці, 7 красавіка з Польшчы вярнуліся на аўтобусах, арганізаваных пры садзейнічанні пасольства Беларусі ў гэтай краіне, 48 чалавек. Адна грамадзянка Беларусі вылецела з Алжыра пры падтрымцы расійскага боку. Пасольства Беларусі ў Расіі ў кантакце з расійскімі калегамі цяпер вырашае пытанне па арганізацыі яе транзіту на радзіму.

Пасольствамі Беларусі ў Сербіі і Венгрыі ў цесным кантакце з мясцовымі органамі ўлады забяспечана транспарціроўка і вылет на радзіму рэйсам Belavia — Belarusian Airlines 14 нашых суайчыннікаў з Сербіі праз Будапешт.

«Захоўваецца вастрыня сітуацыі з далёкімі краінамі, у прыватнасці з Індыяй, В'етнамам, Шры-Ланкой, Тайландам. Усе зацікаўленыя дзяржорганы працягваюць работу па пошуку найбольш аптымальнага механізма і шляхоў аказання садзейнічання беларусам у названых краінах, — адзначылі ў МЗС. — Таксама ідзе ўзаемадзеянне з казахстанскімі калегамі па вывучэнні магчымасцей супрацоўніцтва пры эвакуацыі грамадзян дзвюх краін з рэгіёна Паўднёва-Усходняй Азіі».

МЗС таксама звярнула ўвагу, што ў Латвіі падоўжаны рэжым надзвычайнай сітуацыі да 12 мая. У Японіі да 6 мая ўведзена надзвычайнае становішча на тэрыторыі гарадоў Токіа і Осака, а таксама прэфектур Канагава, Сайтама, Хіёга, Чыба і Фукуока (без усталявання ў гарадах рэжыму каранціну).

Хочаш падзяліцца важнай інфармацыяй ананімна і канфідэнцыйна?

3
Дзяніс1 / Адказаць
09.04.2020 / 01:03
Малайцы!
Не тое, што некаторыя супервялікія ядзерна-касмічныя дзяржавы...
2
Hecuepka / Адказаць
09.04.2020 / 03:47
Вообще-то, закону Дарвина не нужно мешать.
1
Axel Justas / Адказаць
09.04.2020 / 09:08
Hecuepka, гэта ня справа дзяржавы вырашаць, каму жыць, а каму не. Дапамога мусі быць безварункава УСІМ грамадзянам. Але закон Дарвіна як гравітацыя - яго не перахітрыш, таму гэта не перашкода.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру