08.04.2020 / 23:17

У Барысаве памёр 50-гадовы фельчар хуткай. Двухбаковая пнеўманія ў выніку каранавіруса 6

8 красавіка ў рэанімацыі 2-й клінічнай бальніцы Барысава памёр Васіль Ліпілін. Яму было 50 гадоў, ён працаваў фельчарам на хуткай дапамозе. Паводле інфармацыі яго калегі, у Васіля была двухбаковая пнеўманія і станоўчы вынік тэсту на каранавірус. У калегаў памерлага медыка таксама ўзялі мазкі на каранавірус, піша Tut.by.

Фота са старонкі Васіля Ліпіліна

Васіль Ліпілін з жонкай жыў у аграгарадку Неманіца, за 10 кіламетраў ад Барысава. Разам яны ўтрымлівалі вялікую фермерскую гаспадарку.

Па словах калегі, Васіль адчуў сябе дрэнна 28 сакавіка. У той дзень у яго паднялася высокая тэмпература, таму ён папрасіў аднаго з калегаў памяняцца зменамі.

— Думаў, што адляжыцца за выхадныя — і ўсё будзе ў парадку.

Але ў панядзелак, 30 сакавіка, лепш не стала. Васіль звярнуўся ў паліклініку са скаргамі на тэмпературу і моцныя болі ў цягліцах.

Шпіталізавалі Васіля днём 4 красавіка, у цяжкім стане яго даставілі ў рэанімацыю 2-й клінічнай бальніцы Барысава, увечары таго ж дня падключылі да апарата ШВЛ.

Паколькі ў медыка дыягнаставалі двухбаковую пнеўманію, у яго ўзялі тэст на каранавірус. Першы даў адмоўны вынік, другі — станоўчы. Пра гэта калегам стала вядома 8 красавіка.

У калегаў з хуткай як кантактаў першага ўзроўню таксама ўзялі мазкі, аднак яны працягваюць працаваць. Трое з іх, па словах медыкаў, цяпер знаходзяцца на бальнічным з невялікай тэмпературай і сімптомамі ВРВІ.

Хочаш падзяліцца важнай інфармацыяй ананімна і канфідэнцыйна?

1
Свободный / Адказаць
09.04.2020 / 00:36
Даа уж вот это был человек который ночами не спал а лечил от различных недугов людей приезжая в дом буквально за пол часа убирал слезы с рыдающих родственников ребенка отца жены даря слезы радости и надежду.. А сам все время работал за 600 бин так и не купил себе аппартаменты роскошные...... Так и не отдохнул за всю жизнь на куротах где вода как слеза младенца Как жаль что этот мир испоганен в край и где те кто достоен не имеет ничего а кто не достоен ничего имеет все Соболезнования близким..... Надеюсь для таких людей кто погиб во время борьбы с вирусом установят мемориал с фотографическими медальонами.... Народ все кто говорил когда то фразочки " ты всего лишь фельдшер скорой" вот смотрите и думайте.........
1
Чытачка / Адказаць
09.04.2020 / 07:23
Спачуванні родным!
1
Заходнік / Адказаць
09.04.2020 / 07:30
Спачуванні родным ды блізкім.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру