09.04.2020 / 08:04

Эксперты: Свет уваходзіць у найглыбейшую рэцэсію з 1930-х 1

Сумарная шкода для сусветнай эканомікі з-за пашырэння новага каранавіруса складзе больш за $5 трлн на працягу двух гадоў. Такія экспертныя ацэнкі прывяло ў сераду агенцтва Bloomberg.

У публікацыі адзначаецца, што «свет уступае ў самую глыбокую рэцэсію ў мірны час з 1930-х гадоў праз тое, што з-за віруса ўлады змусілі прыватны бізнэс спыніць працу, а людзей — сядзець дома». «Хоць спад, паводле прагнозаў, будзе непрацяглым, эканомікам [краін] спатрэбіцца час, каб нагнаць усё, што яны ўпусцілі», — падкрэсліваецца ў матэрыяле, цытаваным tass.ru.

У публікацыі падаецца меркаванне галоўнага эканаміста банкаўскай кампаніі Citigroup Кэтрын Ман. Яна мяркуе, што шкода для сусветнай эканомікі перавысіць $5 трлн.

Эксперты банка JPMorgan Chase ацэньваюць названы паказчык у $5,5 трлн. Яны адзначаюць, што ў развітых краінах будзе эканамічны спад, параўнальны з тымі, якія мелі месца ў 2008-2009 гадах і 1974-1975 гадах.

Спецыялісты амерыканскага банка Morgan Stanley лічаць, што ў развітых краінах паказчыкі ВУП вернуцца да дакрызіснага ўзроўню толькі ў трэцім квартале 2021 года.

Хочаш падзяліцца важнай інфармацыяй ананімна і канфідэнцыйна?

NN.by

1
Аnita / Адказаць
09.04.2020 / 08:49
То что этот год будет кризисным, говорили и экономисты и нумерологи и предсказатели разных направлений, а вот про вирус ни кто не говорил. Пандемия это страшно, мы все не боимся, все хотят жить. Но вот что не приятно, многие пандемию используют и в экономических и в политических целях. И даже для прикрытия кризиса, который в мире назрел и без этого вируса.
Каб пакінуць каментар, калі ласка, актывуйце JavaScript у наладах свайго браўзеру