Заражэнне людзей каранавіруснай інфекцыяй пацверджана ў дзевяці раёнах Віцебскай вобласці, у сераду дадаліся Докшыцкі і Пастаўскі, паведамляюць «Народныя навіны Віцебска».
У Пастаўскім раёне на лячэнні ў цэнтральнай раённай бальніцы знаходзяцца двое хворых на COVID-19, пра гэта паведаміла газета «Пастаўскі край» са спасылкай на галоўнага санітарнага лекара раёна Святлану Рассееву.
Пра тое, што ў бальніцы ў Докшыцах знаходзяцца пацыенты з каранавіруснай інфекцыяй, таксама стала вядома ў сераду. На жаль, колькасць хворых невядома. Аднак патэнцыйна там сітуацыя можа быць вельмі гарачай, бо ў раёне шпіталізавана 85 хворых з пнеўманіямі.
Амаль у два разы — з шасці да адзінаццаці — павялічылася колькасць хворых у Аршанскім раёне. Аднак там змаглі выпісаць 22 пацыентаў, у якіх паўторны аналіз на РНК каранавіруса даў адмоўны вынік.
Пра другога інфікаванага каранавірусам жыхара раёна паведамляе ушацкая газета. Новаму пацыенту ўсяго 17 гадоў. У райцэнтры плануюць пачаць дэзынфекцыю пад'ездаў і вуліц.
Цяпер чытаюць
Ад 300 000 да 500 000 даляраў. Стала вядома, хто прывёз Джэйсана Дэрула ў Беларусь1
Каментары