09.04.2020 / 13:15

Колькасць хворых на каранавірус у Іспаніі перавысіла 150 тысяч

Прынамсі 152 446 выпадкаў заражэння новым каранавірусам зафіксавалі ў Іспаніі з пачатку распаўсюджвання інфекцыі ў краіне. Пра гэта гаворыцца ў распаўсюджаным у чацвер прэс-рэлізе Міністэрства аховы здароўя каралеўства.

У ведамстве ўдакладнілі, што 15 238 чалавек памерлі, 52 165 пацыентаў паправіліся. Такім чынам, за 24 гадзіны колькасць інфіцыраваных вырасла на 5 756, памерлых — на 683.

У цэлым сутачная колькасць тых, хто заразіўся, і колькасць смяротных зыходаў у Іспаніі паступова зніжаюцца. Антырэкорд быў зафіксаваны 1 красавіка, калі з-за каранавіруса памерлі 950 пацыентаў.

Першы выпадак заражэння ў Іспаніі быў выяўлены 31 студзеня, колькасць інфіцыраваных рэзка пачала расці пасля выяўлення ўспышкі ў Італіі. З сярэдзіны сакавіка ў каралеўстве дзейнічае рэжым павышанай гатоўнасці з-за распаўсюджвання каранавіруса. Гэтая мера дазволіла ўладам абмежаваць перасоўванне жыхароў па ўсёй краіне, акрамя выпадкаў крайняй неабходнасці.

NN.by

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру