10.04.2020 / 10:49

«Белнафтахім» у красавіку чакае пастаўкі азербайджанскай і нарвежскай нафты 4

Канцэрн «Белнафтахім» у красавіку чакае танкеры з азербайджанскай і нарвежскай нафтай. Пра гэта паведаміў БелТА прэс-сакратар «Белнафтахіма» Аляксандр Цішчанка.

«11 красавіка чакаецца прыбыццё танкера ў порт Паўднёвы з 85 тысячамі тон азербайджанскай нафты. А да сярэдзіны красавіка ў Клайпеду прыйдзе яшчэ адзін танкер з нарвежскай нафтай — 85 тысяч тон», — распавёў Аляксандр Цішчанка.

Як паведамлялася, у сакавіку Socar адправіла ў Беларусь тры танкеры нафты, гэта каля 250 тысяч тон нафты. Яна была дастаўлена ў порт Адэсы і затым прапампаваная трубаправодным транспартам на Мазырскі НПЗ. Старшыня канцэрна «Белнафтахім» Андрэй Рыбакоў паведамляў, што Socar ў 2020 годзе можа паставіць у Беларусь да 1 млн тон нафты.

У студзені гэтага года Беларусь купіла першую партыю нарвежскай нафты для перапрацоўкі ў ААТ «Нафтан».

На красавік таксама заключаны кантракт пастаўкі нафты з Расіі.

Хочаш падзяліцца важнай інфармацыяй ананімна і канфідэнцыйна?

NN.by

1
Ваўкалак / Адказаць
10.04.2020 / 13:48
Пакуль што менш за 10% ад неабходнага, але і тое не дрэнна.
0
Кругом работающие пенсионеры / Адказаць
10.04.2020 / 17:23
На дворе 21 век, компьютеризация. Надо не маленький штат содержать. На один комп два бухгалтера, экономиста. Автоматика?!
0
Палкоўнiк Зэман. / Адказаць
10.04.2020 / 17:46
А дзе руская па 4$ за бочку??? Дарэчы, пры таннай нафце можна ўсе дарогi зрабiць як у Германii.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру