10.04.2020 / 12:12

«АйПауэр» атрымаў станоўчае заключэнне дзяржаўнай экспертызы па акумулятарным заводзе 3

Кампанія «АйПауэр» 9 красавіка атрымала станоўчае заключэнне дзяржаўнай экалагічнай экспертызы па будаўнічым праекце акумулятарнага завода. Заключэнне зацверджана загадам «Рэспубліканскага цэнтра дзяржаўнай экалагічнай экспертызы і павышэння кваліфікацыі кіруючых работнікаў і спецыялістаў» Міністэрства прыродных рэсурсаў і аховы навакольнага асяроддзя Беларусі ад 8 красавіка, паведамляе Брэсцкая газета.

«Пры правядзенні дзяржаўнай экалагічнай экспертызы ўстаноўлена адпаведнасць планаваных праектных і іншых рашэнняў, якія змяшчаюцца ў будаўнічым праекце, патрабаванням заканадаўства аб ахове навакольнага асяроддзя i рацыянальным выкарыстаннi прыродных рэсурсаў», — гаворыцца ў паведамленні кампаніі.

Наступны этап рэалізацыі праекта — правядзенне індывідуальных выпрабаванняў і комплекснае апрабаванне змантаванага абсталявання, выпрабаванне сістэм водазабеспячэння, каналізацыі, ацяплення і вентыляцыі і іншых сістэм.

Грамадская экалагічная экспертыза праекта, якую даручыў правесці Аляксандр Лукашэнка, так і не адбылася.

2
меркаванне / Адказаць
10.04.2020 / 12:35
Калі ўжо нашым людзям дойдзе адна ісціна- пакуль яны самі не выбіраюць уладу, з імі самапрызначэнцы могуць рабіць усё што заўгодна? Няўжо гэта так складана зразумець?
1
Аnita / Адказаць
10.04.2020 / 13:28
Конечно во время вируса, когда люди не смогут выйти на улицу с протестом.
1
Палкоўнiк Зэман. / Адказаць
10.04.2020 / 17:43
В чём сила, брат? Сила в деньгах! (с)
Каб пакінуць каментар, калі ласка, актывуйце JavaScript у наладах свайго браўзеру