10.04.2020 / 14:52

Намесніца міністра аховы здароўя не ведае, чаму з афіцыйнага партала пра COVID-19 ізноў знікла статыстыка па рэгіёнах 9

Намесніца міністра аховы здароўя Алена Богдан не ведае, чаму з нацыянальнага партала пра COVID-19 знікла статыстыка па рэгіёнах.

9 красавіка на нацыянальным партале была апублікаваная інфармацыя пра колькасць хворых па абласцях. Сёння гэтая інфаграфіка знікла.

Намесніца міністра на пытанне журналіста адказала ўзвінчана: «Прабачце, я не ведаю, чаму прыбралі інфармацыю з сайта StopCOVID. Прабачце, я не даю інфармацыю на сайт StopCOVID».

Магчыма, статыстыку на дадзены партал дае не Міністэрства аховы здароўя, а штаб пры Адміністрацыі прэзідэнта, хоць на галоўнай старонцы партала стаіць лога Міністэрства аховы здароўя.

8 красавіка Мінздароўя паведамляла пра 3 хворых на каранавірус у Брэсцкай вобласці. У той жа дзень абласная санстанцыя паведамляла пра 28 выпадкаў і дала іх размеркаванне па раёнах.

Праз дзень, 9 красавіка, старшыня Брэсцкага аблвыканкама Анатоль Ліс заявіў, што ў вобласці каранавірус пацверджаны ў 41 чалавека, і таксама апісаў іх размеркаванне па раёнах. У той жа дзень партал Мінздароўя StopCOVID паведамляў, што ў Брэсцкай вобласці шпіталізаваныя 17 чалавек.

Разыходжанне статыстыкі мясцовай і партала StopCOVID Мінздароўя назіралася і па іншых рэгіёнах, дзе сваю статыстыку агучвалі мясцовыя органы — у Магілёўскай, Гродзенскай абласцях. Урэшце, 10 красавіка StopCOVID зняў інфармацыю па рэгіёнах.

Журналісты выказвалі здагадкі, што дадзеная інфармацыя з рэгіёнаў сістэматызуецца ў Мінску са спазненнем на некалькі дзён, але гэтаму няма пацвярджэння.

Брэсцкі абласны цэнтр гігіены і эпідэміялогіі апублікаваў статыстыку 8 красавіка — менавіта тую, якая разышлася са звесткамі Мінздароўя ў 9 разоў. Пасля гэтага ён больш яе не публікаваў.

Мінскі абласны цэнтр гігіены і эпідэміялогіі публікуе статыстыку заражаных ВІЧ-інфекцыяй, дадзеных пра COVID-інфекцыю не дае.

Віцебскі абласны цэнтр гігіены і эпідэміялогіі статыстыкі не дае, абмяжоўваецца інфаграфікай аб правілах гігіены.

Гродзенскі абласны цэнтр гігіены і эпідэміялогіі публікуе статыстыку пра хворых і памерлых ад COVID па Кітаі і іншых краінах, але не дае статыстыкі па сваім рэгіёне.

Мінздароўя пачало рэгулярна даваць свае звесткі пра колькасць хворых і памерлых ад COVID з 2 красавіка, пасля рэзкай крытыкі на яго адрас з боку грамадскасці за адсутнасць яснай статыстыкі. Звесткі па рэгіёнах пры гэтым публікуюцца нерэгулярна. Ва ўсіх іншых еўрапейскіх краінах гэтыя звесткі публікуюцца рэгулярна і не складаюць таямніцы.

Хочаш падзяліцца важнай інфармацыяй ананімна і канфідэнцыйна?

Сяргей Гезгала

1
Васіль / Адказаць
10.04.2020 / 14:59
Гэта ж трэба ўмець: нават з эпідэміі зрабіць істэрыку і дзяржаўную таямніцу. Пацёмкінская Рэспубліка Беларусь.
1
Бел / Адказаць
10.04.2020 / 15:12
Брестский областной центр гигиены, эпидемиологии и общественного здоровья заявлял, что публикует данные о заражённых коронавирусом в Брестской области по понедельникам, средам и пятницам и так и делал до тех пор, покуда данные у них не стали в разы превышать данные на сайте StopCOVID.

Теперь ни на сайте StopCOVID нет разбивки по областям, ни обещанных данных на пятницу на сайте Брестского областного центра гигиены, эпидемиологии и общественного здоровья....


Каждый теперь сам сделает вывод, можно ли верить в статистику, что 1793 заражённых и 19 умерших...
0
микола / Адказаць
10.04.2020 / 15:28
.....  советских  чиновников,  по  вине  которых  во  время  Чернобыльской  катастрофы  погибли  сотни  тысяч  ни  в  чём  не повинных  граждан,  ни  чему  не  научила  наших  чиновников,  они  на  порядок  более  мерз...,  чем  советские  чиновники.  
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру