Па стане на канец дня 13 красавіка ў свеце каранавірусам COVID-19 заразіліся 1 925 179 чалавек, 119 701 памёр, вылечыўся 447 821.
За дзень выявілі 71 571 інфіцыраванага (12 красавіка — 72 523, 11 красавіка — 80 961, 10 красавіка — 94 629).
За дзень памерлі 5 412 чалавек (12 красавіка было 5 417, 11 красавіка — 6092, 10 красавіка — 6973, 9 красавіка — 7234).
Краінай, якая найбольш церпіць ад каранавіруса, застаюцца ЗША. Там ужо 586,9 тысячы заражаных, памерлі за ўчорашні дзень 1 535 (12 красавіка было 1528, 11 красавіка — 1833, 10 красавіка — 2035). У Іспаніі — 170,1 тысячы заражаных (памерлі за 13 красавіка 547 чалавек, 12 красавіка было 603 чалавекі, 11 красавіка было 525). У Італіі — 159,5 тысячы заражаных (памерлі за 13 красавіка 566 чалавек, 12 красавіка — 431).
Найбольш памерлых за 13 красавіка пасля ЗША ў Вялікабрытаніі (717) і Францыі (574).
