Гэта адбылося ў ноч на 11 красавіка ў адной са шматпавярховак Мазыра, паведамляе абласная міліцыя.
Жанчына пачула шум на лесвічнай пляцоўцы. Яна паглядзела ў вочка і ўбачыла незнаёмага мужчыну. Той быў п'яны і курыў. Мазыранка выйшла з кватэры і зрабіла невядомаму заўвагу. У адказ той дастаў пісталет і прыставіў да галавы жанчыны. Яна паклікала на дапамогу мужа.
Гаспадар адштурхнуў нападніка і выбіў пнеўматыку з яго рук. Той у адказ дастаў электрашокер, але скарыстацца ім таксама не змог. Муж зноў пазбавіў крыўдзіцеля зброі, скруціў яго і не даў збегчы да прыбыцця міліцэйскага нараду.
Міліцыянты даставілі 29-гадовага жыхара Мазыра ў медыцынскую ўстанову. Агляд паказаў наяўнасць 1,5 праміле.
0
0
0
0
0
0