Фота Уладзя Грыдзіна
Мітрапаліт Павел паведаміў на прэс-канферэнцыі, што БПЦ пачула прызыў патрыярха ўсёй Русі Кірыла ўстрымацца ад наведвання храмаў у гэты складаны перыяд, паведамляе «Радыё Свабода».
«Я заклікаю зразумець патрыярха і ўстрымацца ад наведвання храмаў. Бо вірус перадацца невядомымі шляхамі. Кажуць, што ў храме — благадаць. Благадаць Святога Духа не адмяняе законы прыроды. Сябры, устрымайцеся ад наведвання храма. Калі прыходзіце — захоўвайце дыстанцыю», — параіў мітрапаліт Павел.
Я пачуў выказванне А. Лукашэнкі, што храмы закрываць не будуць. Так, там будуць богаслужэнні. Але я яшчэ раз заклікаю: устрымайцеся, пабудзьце дома! Маліцеся дома», — заклікае мітрапаліт Павел.
Асвячэнне пасак і страў будзе, але на вуліцы. «Але для нас гэта — другасная справа», — кажа мітрапаліт.
Каментары