Контрвыведка Службы бяспекі Украіны затрымала генерал-маёра Валерыя Шайтанава. Сілавікі лічаць, што ён па заданні расійскіх спецслужбаў планаваў забойства добраахвотніка Адама Асмаева, паведамляе прэс-цэнтр украінскай спецслужбы.

«На жаль, чалавек, які атрымаў званне генерала пасля Рэвалюцыі годнасці і павінен быў абараняць Украіну, насамрэч працаваў супраць яе. Мы правялі складаную, працяглую, шматузроўневую спецаперацыю. Гэта найважнейшае выкрыццё Службы бяспекі за ўсю гісторыю незалежнасці», — заявіў кіраўнік СБУ Іван Баканаў.

Шайтанаў, які з'яўляецца адным з былых кіраўнікоў Цэнтра спецыяльных аперацый «А» СБУ, насамрэч быў агентам ФСБ пад псеўданімам Бабыль.

«Следства мае доказы, што па заданні спецслужбаў РФ генерал-маёр Шайтанаў планаваў правядзенне тэрарыстычных актаў на тэрыторыі Украіны. За гэта прадстаўнік ФСБ гарантаваў ўзнагароду ў памеры $200 тысяч і пашпарт грамадзяніна РФ. У якасці выканаўцы Шайтанаў спецыяльна падабраў чалавека сярод былых байцоў спецпадраздзяленняў», — гаворыцца ў паведамленні.

Акрамя таго, па інфармацыі СБУ, Шайтанаў збіраў і перадаваў расійскаму боку інфармацыю пра абставіны правядзення асобных аперацый у раёне АТА і пра задзейнічаных у іх супрацоўнікаў, паведамляў аб міжнародным супрацоўніцтве айчынных спецслужбаў у сферы нацыянальнай бяспекі і абароны, а таксама інфармаваў пра супрацоўнікаў кіруючага звяна Дэпартамента контрвыведкі, аператыўных падраздзяленняў, разведвальных органаў.

Акрамя таго, Шайтанаў падбіраў і прыцягваў афіцэраў спецыяльных і разведвальных органаў для працы на ФСБ РФ.

СБУ адзначае, што зафіксаваныя агентурныя сустрэчы на ​​тэрыторыі еўрапейскіх краін Ягорава і Шайтанава з іншымі грамадзянамі Украіны, якія былі прыцягнутыя да выканання задач расійскай спецслужбы.

«Вырашаецца пытанне аб абвяшчэнні Валерыю Шайтанаву аб падазрэнні ў здзяйсненні злачынстваў, прадугледжаных арт. 111 («Дзяржаўная здрада») і арт. 258 («Тэрарыстычны акт») Крымінальнага кодэкса Украіны і абрання меры стрымання», — інфармуюць у СБУ.

Валерый Шайтанаў — генерал-маёр СБУ. 18 лютага 2014 года кіраваў штурмавой групай, якая ў Кіеве захапіла Дом прафсаюзаў падчас Майдану. У красавіку 2014 года ў складзе падраздзялення «Альфа» вёў перамовы з кіраўніком тэрарыстычнага фарміравання «Усход» Аляксандрам Хадакоўскім.

«За асабістую мужнасць і гераізм, праяўленыя ў абароне дзяржаўнага суверэнітэту і тэрытарыяльнай цэласнасці Украіны, вернасць ваеннай прысягі падчас баявых дзеянняў і пры выкананні службовых абавязкаў», узнагароджаны ордэнам «За мужнасць» III ступені (2008-га), ордэнам Багдана Хмяльніцкага III ступені (13 жніўня 2015-га).

Хочаш падзяліцца важнай інфармацыяй ананімна і канфідэнцыйна?