У Мінску пачалі дастаўляць на дом асвячоныя пірагі. Велікодная прадукцыя да канца тыдня даступная пры замове ў «Е-дастаўцы». Прынятыя меры павінны дапамагчы звесці да мінімуму колькасць людзей у публічных месцах напярэдадні свята.
Велікодныя пасхі і яйкі даставяць на дом, як і іншыя прадукты. Перад гэтым іх асвяціць бацюшка. Усяго рыхтуюць тры віды пірагоў, каштуюць яны ад 1,29 рубля. Да канца тыдня даступныя і іншыя святочныя стравы да велікоднага стала, у тым ліку запечанае парася.
«Ідэя дастаўляць на дом асвячоную прадукцыю паўстала яшчэ да росту попыту на дастаўку прадуктаў. Супадзенне росту захворванняў са святамі — не з ліку прыемных, і мы хочам зрабіць усё, што ў нашых сілах, каб дапамагчы людзям сустрэць Вялікдзень са звыклымі атрыбутамі, але пры гэтым застацца дома. Гатаваць пірагі будзем па існуючай традыцыі, а асвячаць іх пагадзіўся бацюшка. Спадзяемся, гэта дапаможа тысячам беларусаў накрыць велікодны стол», — адзначаюць у «Е-дастаўцы».
Велікодная дастаўка будзе працаваць да нядзельнай ночы. Замовіць яе можна ў Мінску.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары