Лукашэнка сёння падчас наведвання храма на Вялікдзень папракнуў асобаў, надзеленых вялікай уладай. Сюжэт паказаў тэлеканал Беларусь-1.
president.gov.by
«Богу моляцца мільёны людзей, — сказаў Лукашэнка. — Я ведаю многіх такіх. Але як толькі наступіў гэты псіхоз, нават не хвароба, усе рванулі не ў храм, а ад храма. Гэта не добра. Але гэта мая пазіцыя, я яе нікому не навязваю».
Лукашэнка перакананы, што беларусы пройдуць гэты перыяд годна. «Уваскрэсенне Хрыстова — гэта сведчанне перамогі дабра над злом, гэта прыклад самаахвярнасці. І таму мы не павінны хавацца за сценамі храма і баяцца зайсці ў храм. Таму што Ён не баяўся, а ахвяраваў дзеля людзей. Чаму ж мы схаваліся? Гэтае пытанне жыццё перад кімсьці з часам паставіць. І гэта трэба памятаць», — адзначыў кіраўнік дзяржавы.
Удзячныя прыхаджане таксама моцна дзякавалі Лукашэнку, што не зачыніў заводы, а ёсць магчымасць працаваць.
Нагадаем, што перад Вялікаднем кіраўніцтва РПЦ і БПЦ заклікала вернікаў па-магчымасці сядзець дома.
