Стала вядома, на колькі за тыдзень вырасла колькасць пнеўманій ва Ушацкім раёне
За 6 дзён колькасць пнеўманій у раёне вырасла больш чым на 50%.
10 красавіка ў газеце Ушацкага раёна «Патрыёт» было апублікаванае інтэрв'ю з галоўным доктарам раённай бальніцы Сяргеем Майсеевым. «На сённяшні дзень пад наглядам медыкаў — 35 пацыентаў з пнеўманіяй», — сказаў ён. Пацыентаў у рэанімацыі на той момант не было.
16 красавіка на сайце «Патрыёта» і ў яго сацсетках з'явілася новая статыстыка: 53 пацыенты з пнеўманіяй (гэта значыць, рост больш чым на палову за шэсць дзён), прычым 2 пацыенты былі падлучаныя да апаратаў ШВЛ. Пазней гэты матэрыял быў выдалены, але застаўся ў памяці гугла.
«Зараз у рэанімацыйным аддзяленні, разлічаным на шэсць ложкаў, устаноўлена чатыры сучасныя апараты ШВЛ, яшчэ два ёсць у запасе. Гэта адзін з лепшых паказчыкаў укамплектаванасці на Віцебшчыне. У экстранным выпадку (аднак спадзяюся, што гэтага не спатрэбіцца!) можна выкарыстоўваць наркозна-дыхальныя апараты, якія таксама ў дастатковай колькасці маюцца ў нашых аперацыйных», — адзначаў доктар Маісееў 10 красавіка.
Ён таксама адзначыў, што адзін апарат штучнай вентыляцыі лёгкіх з нашай ЦРБ перададзены Докшыцам, дзе сітуацыя з каранавірусам найгоршая ў рэгіёне.
Насельніцтва Ушацкага раёна — меншае за 14 тысяч чалавек.
«Мазкі для наступнага вызначэння інфекцыі бяруцца ва ўсіх пацыентаў з падазрэннем на COVID-19, з атыповым або цяжкім цячэннем пнеўманіі», — адзначаў галоўны доктар.
Ушачы належаць да «віцебскай плямы» каранавіруса. Спачатку складаная сітуацыя склалася ў самім Віцебску, пасля яна распаўсюдзілася на Докшыцкі, Бешанковіцкі, Лёзненскі, Шумілінскі раёны, да іх, як мы бачым, далучыўся Ушацкі раён. Трывожныя весткі даходзяць таксама з Пастаўскага раёна, Оршы, Полацка і Наваполацка.
Пнеўманія — гэта тыповае ўскладненне пры каранавірусе, яно здараецца прыкладна ў 15% хворых.
Дзядок патлумачыў, чаму вызвалілі менавіта тых палітвязняў, каго вызвалілі24
Каментары