Разліковая цана нафты маркі Urals, якой гандлююць расійскія кампаніі, склала -$2 за бараль, што на 112,7% менш апошняй цэны 19 красавіка — $ 15,75, піша rbc.ru.
У панядзелак, 20 красавіка, цана найбліжэйшага ф'ючэрса на нафту маркі WTI дасягала -$40 за бараль. Пасля таго як цана амерыканскай нафты ўпершыню ў гісторыі стала адмоўнай, цэны на астатнія гатункі таксама знізіліся.
Прадаўцы былі вымушаныя прадаваць нафту ў страту, разлічваючы на аднаўленне цэнаў у найбліжэйшыя месяцы. Наступны кантракт WTI з пастаўкай у чэрвені зачыніўся каля ўзроўню $21 за бараль. Гэта сведчыць пра пазітыўны погляд удзельнікаў рынку, якія чакаюць аднаўлення сыравінных цэнаў праз некалькі месяцаў.
Здзелка АПЕК+ пачне дзейнічаць толькі ў маі, таму ўдзельнікі таргоў не ўлічваюць гэты фактар у цане найбліжэйшых нафтавых кантрактаў. У пачатку красавіка 23 найбуйнейшыя вытворцы сыравіны дамовіліся добраахвотна абмежаваць вытворчасць сыравіны на 9,7 млн бараляў у суткі на май і чэрвень з мэтай стабілізацыі нафтавага рынку.
Беларусь купляе расійскую нафту Urals па $4 за бараль.