Чэмпіянат Фарэрскіх астравоў пачнецца 9 мая. Старт першынства быў намечаны на 8 сакавіка. Пазней прынята рашэнне перанесці старт сезона з-за пандэміі каранавіруса, паведамляе «Прэсбол».
«Нам пашанцавала, што мы хутка ўзялі пад кантроль сітуацыю з распаўсюджваннем каранавіруса. Думаю, гэта добра для футбола Фарэрскіх выспаў. Мы можам атрымаць дадатковую ўвагу», — распавёў у інтэрв'ю NRK гулец «КІ Клаксвік» Оле Эрык Мідтскоген.
«На дадзены момант тэлеправы на паказ Фарэрскага футбола больш запатрабаваныя, чым на англійскую прэм'ер-лігу», — сцвярджае спартыўны рэдактар TV 2 Вегард Янсен Хаген.
На Фарэрскіх выспах пражывае каля 50 тысяч чалавек. На архіпелагу каранавірус (COVID-19) выяўлены ў 185 чалавек, 176 выздаравелі. Пры гэтым няма ніводнай смерці. 20 красавіка ў краіне пачалося адкрыццё школ і было абвешчана пра хуткі старт новага футбольнага сезона. Верагодна, што першыя матчы пройдуць без гледачоў. Чакаецца, што праз тыдзень пасля старту вышэйшай лігі чэмпіяната Фарэрскіх выспаў адновяцца гульні першай лігі. Да каранціну, выкліканага распаўсюджваннем каранавіруса, быў згуляны адзін тур.
Раней пра сваё жаданне аднавіць футбольнае першынство 9 мая заявіла бундэсліга, але канчаткова рашэнне не прынята.
