21.04.2020 / 16:18

На святара склалі пратакол за залатыя купалы на гомельскай царкве ФОТЫ 22

Чарговы дзіўны прыклад рэстаўрацыі заўважаны ў вёсцы Чарацянка Гомельскага раёна. Тут у прыгранічнай зоне стаіць Успенская царква, пабудаваная ў 1865-1868 гадах у псеўдарускім стылі.

Нядаўна яе знешні выгляд кардынальна змяніўся: замест блакітных купалаў-цыбулін з'явіліся залатыя, фасад перафарбавалі ў жоўты, паставілі пластыкавыя вокны.

Так царква выглядала да рэстаўрацыі. Фота Дзмітрыя Іўчанкі, fotobel.by.

А вось як яе аднавілі. Фота з тэлеграм-канала «Спадчына».

Успенская царква мае статус гісторыка-культурнай каштоўнасці, а таму праводзіць яе рэстаўрацыю без узгаднення з Міністэрствам культуры забаронена. Але духавенства пачало рамонт без згоды чыноўнікаў.

На гаспадара храма іерэя Паўла Харламава склалі пратакол аб адміністрацыйным правапарушэнні.

Якое аблічча ў выніку вернуць царкве, пакуль невядома.

«Адбудзецца пасяджэнне, спецыялісты паглядзяць, якія парушэнні былі дапушчаны. Дакументы з першапачатковым выглядам царквы будзем запытваць у архіве епархіі», — паведаміла «Нашай Ніве» кіраўніца аддзела ідэалагічнай работы, культуры і па справах моладзі Гомельскага райвыканкама Аксана Хімакова.

Рэстаўрацыю праводзілі на грошы епархіі і ахвяраванні прыхаджан. У райвыканкаме адзначаюць, калі ў выніку прызнаюць, што царкве трэба вярнуць яе першапачатковы выгляд, перарабляць купалы храм таксама будзе за свой кошт. Бюджэтныя сродкі на гэта не выдзяляюцца.

Хочаш падзяліцца важнай інфармацыяй ананімна і канфідэнцыйна?

НЛ

7
Павал / Адказаць
21.04.2020 / 16:26
па-багатаму
8
Свабода / Адказаць
21.04.2020 / 16:36
Акупанты)) а беларусікі, як абарыгены ў рэзервацыі
6
marketingtroops / Адказаць
21.04.2020 / 17:15
Нарэсьце, іх усіх трэба караць, па Беларусі ўжо больш ня езжу з-за іх купалоў.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру