23.04.2020 / 14:12

Жыві «Годна»! Стартуе маштабны праект па пошуку нацыянальнага коду беларусаў 13

Стартавала новая грамадская кампанія «Годна», прысвечаная вывучэнню, развіццю і далейшаму фармаванню нацыянальнай ідэі Беларусі і беларускай свядомасці. 

Грамадская кампанія «Годна» — гэта новая ініцыятыва Каманды БНР100, якая ладзіла БНР100, «Свята Незалежнасці», «Мова Фэст», «Годны Дзень Волі» ды іншыя гучныя акцыі і мерапрыемствы.

Вось першы ролік, у якім каардынатары кампаніі расказваюць, што і навошта збіраюцца рабіць.

А на сайце hodna.by вы знойдзеце місію, мэты і планы кампаніі на найбліжэйшыя 2 гады.

Сярод ужо запланаваных праектаў — даследаванне нацыянальнай ідэнтычнасці, форум «Ідэя Беларусі», выданне кніг і здымкі ролікаў, фестывалі і творчыя конкурсы, моладзевыя школы і бізнэс-канферэнцыі пад агульным брэндам «Годна».

Пачалася кампанію з праекта «Трымайся Годна», які будзе дапамагаць беларусам ва ўмовах пандэміі каранавіруса адаптоўвацца, аб'ядноўвацца і самаарганізоўвацца для вырашэння агульных праблем.

Першы сацыяльны ролік расказвае пра правілы паводзінаў падчас пандэміі каранавіруса згодна з рэкамендацыямі Сусветнай арганізацыі аховы здароўя.

Дызайнеры кампаніі «Годна» падрыхтавалі плакаты на беларускай і рускай мовах «Трымайся Годна» з правіламі паводзінаў падчас пандэміі каранавіруса згодна з парадамі Сусветнай арганізацыі аховы здароўя.

Вы можаце:

— спампаваць макеты на hodna.by і самастойна іх раздрукаваць ды распаўсюдзіць,

— бясплатна замовіць гатовыя плакаты для распаўсюду праз гэтую форму.

Ролік «Сакрэтны код беларуса» — гэта першая праца з серыі будучых відэасюжэтаў пра беларускую годнасць і нашы нацыянальныя сакрэты ды каштоўнасці.

Гэтую гісторыю пра сакрэтны код беларуса ў сваім фэйсбуку расказаў вядомы беларускі прадпрымальнік Ігар Скарынін. Спачатку ён баяўся, што тэма небяспечная і можа выклікаць спрэчкі, але ён памыліўся. Яго гісторыя сабрала тысячы падабаек і сотні пазітыўных каментароў.

Хочаш падзяліцца важнай інфармацыяй ананімна і канфідэнцыйна?

NN.by

5
Злрбны бурацін / Адказаць
23.04.2020 / 15:08
Знаёмыя ўсё твары.
25
Алексей минский / Адказаць
23.04.2020 / 16:47
А его то и нет...
2
Axel Justas / Адказаць
23.04.2020 / 17:38
А ў чым адрозненне ад Будзьма?
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру