У вышэйшай лізе прайшло пяць тураў. На вяршыні зноў трыумвірат неспадзяванак: Слуцк, Віцебск і Жодзіна, якія адабралі балы ў топаў. І хаця мінскае «Дынама» выйграла, правальны старт сезона каштаваў Сяргею Гурэнку працы — цяпер «Дынама» будзе руліць Леанід Кучук.
Разам з Букмекерскай канторай Леон мы працягваем асвятляць найлепшы футбольны чэмпіянат у свеце.
Самыя гарачыя матчы мінулага тура прайшлі ў Салігорску і Віцебску. Спачатку «Слуцк» выстаяў удзесяцёх супраць «Шахцёра», прычым салігорцы і пенальці не забілі, а потым «Віцебск» здабыў справядлівую перамогу над брэсцкім «Дынама».
Барыс Панкратаў адбівае пенальці Дарка Бодула. Фота: ФК «Шахцёр».
Лёс гульні вырашыў спрэчны эпізод: украінскі абаронца Брэста Яўген Хачарыдзі ў сваёй штрафной вырашыў цішком стукнуць гульца «Віцебска». Але эпізод не застаўся без увагі суддзі матча Сяргея Чыстова (у першым туры гэта ён прызначыў пяць пенальці) — чырвоная картка і 11-метровы ўдар, які рэалізаваў Іон Нікалаеску.
Вось як скончыліся матчы пятага тура:
- «Энергетык-БДУ» — «Гарадзея» 0:1 (35, Сарокін)
- «Дынама-Мінск» — «Нёман» 2:0 (72, Гарапеўшэк; 90+3, Шыкаўка)
- «Белшына» — «Смалявічы» 1:1 (80, Глябко (п) — 90, Барсукоў (п))
- «Шахцёр» — «Слуцк» 1:2 (89, Каанда (аг) — 25, Казлоў; 45+1, Умар Бала)
- «Іслач» — «Славія» 2:1 (63, Камароўскі (п); 73, Януш — 77, Нарх)
- «Рух» — «Мінск» 1:0 (48, Сядзько)
- «Віцебск» — «Дынама-Брэст» 1:0 (87, Нікалаеску (п))
- БАТЭ — «Тарпеда-БелАЗ» 0:0
Давайце паглядзім, што нас чакае ў наступным туры.
«Смалявічы» — «Дынама-Мінск»
- 24.04, 18:00. Барысаў, гарадскі стадыён.
- Каэфіцыенты шукайце тут
Яшчэ не наступіў май, а ў «Дынама» — пара пераменаў. Акрамя новага трэнера, клуб атрымаў і новых гаспадароў. Цяпер кіраваць «бела-сінімі» будзе БФСТ «Дынама». Back to the roots, як кажуць.
Фота: ФК «Дынама-Мінск»
У Леаніда Кучука ёсць неблагі шанец стартаваць з перамогі ў матчы з адным з аўтсайдараў. Трэнер ужо вярнуў з дубля Ігара Шытава, у якога былі праблемы з Гурэнкам, варта чакаць і іншых змяненняў.
Прагноз «НН»: «Дынама» пераможа.
«Нёман» — «Энергетык-БДУ»
- 24.04, 20:00. Гродна, ЦСК «Нёман».
- Каэфіцыенты шукайце тут
Пасля ўдарнага старту «студэнты» крыху запаволілі хаду і далі сябе абгуляць спачатку жодзінскаму «Тарпеда», а потым і «Гарадзеі». Нягледзячы на непрыемную серыю, ад першага месца мінчукі адстаюць усяго на адзін бал, таму вярнуцца можна даволі лёгка.
Але ці дазволіць ім гэта зрабіць «Нёман», якому балы яшчэ больш патрэбныя, — пакуль каманда Кавалевіча займае 14-ы радок. Хаця мы і прагназавалі няпросты сезон для гарадзенцаў, але, відавочна, гэта не тое месца, на якім мусіць быць «Нёман».
Прагноз «НН»: «Нёман» не прайграе.
«Славія» — «Мінск»
- 25.04, 15:00. Мазыр, стадыён «Юнацтва».
- Каэфіцыенты: «Славія» (перамога) — 2.17; нічыя — 3.32; «Мінск» (перамога) — 3.90.
Яшчэ адна мінская каманда выдала ўдарны старт, але цяпер у «Мінска» серыя з трох паразаў, якая можа працягнуцца і ў Мазыры.
Сімпатычная «Славія» прайграла ў пятым туры «Іслачы», але мае шанцы зноў падабрацца бліжэй да лідараў табліцы. Варта таксама ўлічваць, што наперадзе мазырчукоў чакае матч у адказ у паўфінале Кубка Беларусі супраць БАТЭ. Таму Міхаілу Марціновічу трэба будзе сур'ёзна падумаць, як захаваць сілы перад гульнёй у Барысаве і дабіцца станоўчага выніку ў матчы чэмпіянату.
Прагноз «НН»: тотал, большы за 2.5.
«Гарадзея» — БАТЭ
- 25.04, 17:00. Стадыён «Гарадзея».
- Каэфіцыенты: «Гарадзея» (перамога) — 6.35; нічыя — 3.80; БАТЭ (перамога) — 1.67.
«Гарадзея» — самая эфектыўная каманда вышэйшай лігі на сёння. Пасля няўдач у першых двух турах «цукровыя» здабылі тры перамогі з лікам 1:0 і аказаліся сярод лідараў.
БАТЭ максімальна няўдала гуляе ў Гарадзеі. Аднойчы там каманда ледзь не згубіла чэмпіёнства, потым там застаўся без працы Алег Дулуб, летась барысаўцы там таксама прайгралі. Таму з улікам нестабільнай хады па турнірнай дыстанцыі камандзе Кірыла Альшэўскага трэба зрабіць цуд.
Прагноз «НН»: тотал, большы за 2.5.
«Дынама-Брэст» — «Шахцёр»
- 25.04, 19:00. ДАСК «Брэсцкі».
- Каэфіцыенты: «Дынама» (перамога) — 2.34; нічыя — 3.55; «Шахцёр» (перамога) — 3.22.
У красавіку Брэст і Салігорск гуляюць у футбол тройчы. На пачатку красавіка «Дынама» выйграла першы паўфінальны кубкавы матч з лікам 2:0, цяпер чарга паўтарыць вынік.
Але ёсць праблемы. У папярэдняй гульні былі выдаленыя асноўныя абаронцы берасцейцаў Габі Кікі і Яўген Хачарыдзі, і тут задачка для Сяргея Кавальчука, кім іх замяніць.
«Шахцёру» банальна не шанцуе. Па колькасці момантаў і ўдараў салігорцы мусілі лёгка перамагаць «Слуцк», але ў выніку саступілі. Здаецца, пералом наступіць тады, калі каманда Вернідуба здолее кагосьці ўпэўнена перамагчы, тады мы зможам пабачыць сапраўдную моц салігорцаў.
Прагноз «НН»: «Шахцёр» не саступіць.
«Слуцк» — «Белшына»
- 26.04, 14:00. Слуцк, стадыён «Гарадскі».
- Каэфіцыенты шукайце тут
Першая з 2016 года сустрэча случчакоў і бабруйчан. Чатыры гады таму, пасля таго як «Белшыну» кінулі расійскія інвестары, клуб спрабаваў выратаваць сённяшні трэнер «Слуцка» Віталь Паўлаў. Але ў яго не атрымалася, пасля чаго ён пераехаў у Слуцк.
Бабруйская каманда займае апошняе месца, «Слуцк» — дзеліць першае. «Белшына» ні разу не перамагала случчакоў у гасцях. Усё складваецца ў чарговую перамогу «экс-цукровых», ці будзе так на самай справе?
Прагноз «НН»: «Слуцк» пераможа.
«Тарпеда-БелАЗ» — «Рух»
- 26.04, 16:00. Жодзіна, стадыён «Тарпеда».
- Каэфіцыенты: «Тарпеда» (перамога) — 2.01; нічыя — 3.23; «Рух» (перамога) — 4.70.
Брэсцкая каманда нарэшце здабыла першую перамогу ў чэмпіянаце дзякуючы шыкоўнаму голу Паўла Сядзько. Гэта дазволіла «Руху» аказацца ў табліцы вышэй за БАТЭ, «Шахцёр» і мінскае «Дынама».
Павел Сядзько забівае пераможны мяч. Фота: ФК «Рух»
Але не варта расслабляцца: «Рух» чакае выезд да аднаго з лідараў, які выстаяў у гульні з БАТЭ. Ці абгуляюць канспекты Сяднёва канспекты Пунтуса?
Прагноз «НН»: «Тарпеда» пераможа.
«Іслач» — «Віцебск»
- 26.04, 18:00. Стадыён ФК «Мінск».
- Каэфіцыенты: «Іслач» (перамога) — 2.22; нічыя — 3.28; «Віцебск» (перамога) — 3.80.
Закрывае тур вельмі цікавая афіша. «Іслач» нарэшце змагла перамагчы і сустракае «Віцебск» у добрым настроі.
«Віцебск» пакінуў трэнер па фізпадрыхтоўцы Віталь Мілюцін. Ён будзе дапамагаць Леаніду Кучуку ў мінскім «Дынама». Менавіта з Мілюціным звязваюць поспехі «Віцебска» ў 2018-м годзе, а з яго адсутнасцю — правал у леташнім сезоне.
Не будзем адмаўляць трэнерскі талент галоўнага трэнера «Віцебска» Сяргея Ясінскага, але будзе цікава паназіраць, як адаб'ецца на форме каманды сыход аднаго з трэнераў.
Прагноз «НН»: тотал, меншы за 2.5.
У сувязі з распаўсюдам каранавіруса мы не раім вам наведваць людныя мерапрыемствы, у тым ліку футбольныя матчы. Калі ўсё ж вырашыце пайсці на стадыён, прытрымлівайцеся мераў засцярогі.
Дзяліцеся прагнозамі ў каментарах. Калі лічыце сябе экспертам у беларускім футболе, зрабіце стаўку ў Букмекерскай канторы Леон!