25.04.2020 / 13:09

«Е-дастаўка» вярнула замовы «дзень у дзень» і знізіла мінімальную суму для пенсіянераў 1

«Е-дастаўка» знізіла да 25 рублёў мінімальную суму замовы для пенсіянераў ад 75 гадоў і інвалідаў. Інтэрнэт-гіпермаркет таксама павялічыў колькасць рэйсаў і аднавіў дастаўку «сёння на сёння». Усім беларусам раяць устрымацца ад неабавязковых паездак у вялікія выходныя.

«Е-дастаўка» пашырыла штат і павялічыла магчымую колькасць даставак. На сайце зноў з'явілася магчымасць замовы «Сёння на сёння», дадалася і опцыя замовы на 2 дні наперад. Вольны час дастаўкі ўзнікае на працягу дня.

«Вялікія выходныя мы прапануем беларусам правесці дома. Мы пашырылі штат і рэзка павялічылі колькасць інтэрвалаў для дастаўкі, таму ўжо ў вялікія выходныя будзе значна прасцей зрабіць заказ у зручны для сябе час. Сваім бацькам можна аформіць бескантактную дастаўку і тым самым засцерагчы ад лішніх кантактаў. Лепш пакуль застацца дома і прыгатаваць любімыя стравы дома, каб паберагчы сябе, сваю сям'ю і медыкаў, якія змагаюцца з пандэміяй», — раіць дырэктар «Е-дастаўкі» Юрый Бутурля.

З'явілася і новая льгота: мінімальная сума замовы для інвалідаў ўсіх трох груп і пенсіянераў ад 75 гадоў зніжана да 25 рублёў. Людзям з абмежаванымі магчымасцямі таксама даступная дадатковая зніжка ў 5% на ўсе тавары. Тым самым у «Е-дастаўцы» хочуць падтрымаць людзей з зоны рызыкі, каб тыя бераглі здароўе і заставаліся дома.

«Дастаўка на 25 рублёў глыбока стратная і не пакрывае нават заробкаў работнікаў. Але важна цяпер дапамагчы пажылым людзям і інвалідам, каб яны не рызыкавалі сваім здароўем і выходзілі на вуліцу толькі дзеля шпацыру на свежым паветры», — адзначае Юрый Бутурля.

Каб аформіць замову з выкарыстаннем льготы, трэба пасля аўтарызацыі перайсці ў раздзел «Пакінуць водгук ці прэтэнзію» і абраць у якасці тэмы «Задаць пытанне». У акенцы «Паведамленне» можна пакінуць заяўку на атрыманне льготы і прымацаваць фота пашпарта і пенсійнага пасведчання, альбо пасведчання інваліднасці (з двух бакоў). Дзеці могуць зрабіць гэта за бацькоў.

Попыт на дастаўку прадуктаў у Беларусі вырас у красавіку на чвэрць. Зараз беларусам развозяць больш за 130 тон прадуктаў штодня — на 30 тон больш, чым раней. У працэс ўцягнуты больш за 2300 чалавек. У сакавіку «Е-дастаўка» ўзяла да сябе 200 чалавек, а ў красавіку, як чакаецца, прырасце яшчэ на 500 чалавек. Сярод іх — работнікі сферы грамадскага харчавання, пацярпелыя ад каранакрызісу.

У Мінску дастаўкай карыстаецца кожная трэцяя сям'я. Каб забяспечыць больш мінскіх сем'яў прадуктамі, быў запушчаны інтэрнэт-дыскаўнтар «ХІТдастаўка». Яго асартымент складаецца з найбольш запатрабаваных тавараў «Е-дастаўкі», якіх цяпер больш за 1300 найменняў. Мінімальная сума замовы — 35 рублёў. З 25 красавіка, акрамя анлайн-аплаты на сайце, сэрвіс дасць магчымасць разлічыцца за прадукты наяўнымі або карткай з кур'ерам.

Хочаш падзяліцца важнай інфармацыяй ананімна і канфідэнцыйна?

NN.by

0
Кругом работающие пенсионеры / Адказаць
25.04.2020 / 14:48
Петрухин на своём канале интересное говорил.
Каб пакінуць каментар, калі ласка, актывуйце JavaScript у наладах свайго браўзеру