«Станоўчы тэст [на каранавірус] у яго быў пару тыдняў таму», — расказалі «Нашай Ніве» сваякі.
Прамысловыя колы Мінска абмяркоўваюць нечаканую смерць галоўнага металурга МАЗ, 53-гадовага Аляксандра Скібара.
Вядома, што перад тым ён ляжаў у 6-м шпіталі сталіцы.
«Станоўчы тэст [на каранавірус] у яго быў пару тыдняў таму. Памёр ён сёння, ускрыццё будзе толькі заўтра. Таму даведкі, што прычына смерці — каранавірус, няма.
Не ведаю, што будзе напісана ў пасведчанні, але па тэлефоне сказалі, што памёр ад сардэчнай недастатковасці.
Пра хранічныя хваробы мне невядома. Дзе б ён мог заразіцца, невядома. Ён нікуды не вылятаў, у нас не было кантактаў з людзьмі, у якіх мы маглі б падазраваць каранавірус», — сказала «Нашай Ніве» сваячка памерлага.
Скібар не быў публічным чалавекам, у інтэрнэце няма яго здымкаў. Калегі пра яго адгукаюцца добра — у цэху, якім ён кіраваў, людзі працуюць цэлымі дынастыямі.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары