Меркаванні

Камбербэтч, грузінскія танцы і «1984» у балеце: сем пастановак на тыдзень, якія з прычыны каранавіруса можна паглядзець анлайн

Шоу павінна працягвацца, таму творчыя калектывы і тэатры па ўсім свеце не перастаюць дзяліцца сваімі працамі ў рэжыме анлайн. На гэтым тыдні глядзім камедыі Мальера, кубінскі танцавальны тэатр, Камбербэтча ў ролі Франкенштэйна і шмат чаго іншага.

 

Панядзелак: «Школа жонак» і «Мізантроп» Стэфана Браўншвейга, тэатр «Адэон» (Парыж)

Celui qui n'aimait pas les Hommes | Je beurre ma tartine.

Тыдзень пачынаем з камедыі, прычым не абы якой. У час пандэміі «Адэон — Тэатр Еўропы» паказвае на сваім «Vimeo» запісы рэпертуарных спектакляў і называе гэта «Théâtre et canapé», то-бок «Тэатр на канапе». Гэтымі днямі тут можна паглядзець дзве пастаноўкі кіраўніка «Адэона» Стэфана Браўншвейга — вядомага рэжысёра, што ставіў спектаклі і оперы ў «Камедзі Франсэз», Ла Скала і Берлінскай дзяржаўнай оперы. Браўншвейг вядомы актуалізацыяй класікі, і гэтае яго майстэрства якраз можна ацаніць праз «Школу жонак» і «Мізантропа» Мальера. Абодва спектаклі суправаджаюцца англійскімі субтытрамі.

Дзе глядзець: спасылкі даступныя на сайце тэатра.

Калі глядзець: чым хутчэй, тым лепш.

 

Аўторак: «Целы» Сашы Вальц, Шаўбюне (Берлін)

Востры, правакацыйны і адзін з самых крутых тэатраў «Шаўбюне», якім кіруе сусветна вядомы рэжысёр і дэканструктар класікі Томас Астэрмаер, кожны дзень транслюе відэапаведамленне і паказвае сваю пастаноўку анлайн. Панядзелак — выхадны, а ў аўторак праграма пачынаецца з запісу «Целаў» вядомай у Германіі харэографкі Сашы Вальц, паплечніцы Астэрмаера, а сёння дырэктаркі Дзяржаўнага балета Берліна.

Пасля, калі сачыць за праграмай, можна паглядзець і Пітэра Штайна, пад кіраўніцтвам якога «Шаўбюне» ў свой час перайшоў на новы этап развіцця і выпрацаваў уласны стыль, і самога Томаса Астэрмаера. Кіраўнік тэатра на гэтым тыдні будзе прадстаўлены сваёй пастаноўкай скандальнай п’есы «Падарваныя» брытанскай сцэнарысткі Сары Кейн. Тэатр папярэджвае, што не кожны са сваіх анлайн-паказаў можа суправадзіць субтытрамі.

Дзе глядзець: спасылкі шукайце на сайце тэатра.

Калі глядзець: відэапаведамленне ідзе з 19 да 19.30 па беларускім часе, запісы спектакляў даступныя з 19.30 да гадзіны ночы.

 

Серада: «1984» паводле Джорджа Оруэла, «Паўночны балет» (Лідс, Вялікабрытанія)

Гэтай пастаноўкай, якая «пашырае межы сучаснага балета», трупа абяцае перавярнуць наша ўяўленне пра гэты від мастацтва. Створаны харэографам і танцорам Джонатанам Уоткінсам «1984» паказвае, якім балет можа быць сёння. Тым больш прыцягальна ўбачыць, як у танцы ўвасабляецца знакамітая антыўтопія Джорджа Оруэла, дзе галоўны герой Уінстан Сміт жыве пад пільным позіркам Вялікага Брата, але ўрэшце рызыкуе закахацца і паспрабаваць усё змяніць.

Дзе глядзець: на сайце тэатра.

Калі глядзець: да 2 мая.

 

Чацвер: «Франкенштэйн», Каралеўскі Нацыянальны тэатр (Лондан)

Каралеўскі Нацыянальны тэатр гатовы бясплатна паказаць свой хіт — пастаноўку «Франкенштэйн» паводле рамана Мэры Шэллі, у якой Бенедыкт Камбербэтч і Джоні Лі Мілер па чарзе іграюць то стваральніка, то стварэнне. Увасоблены рэжысёрам Дэні Бойлам — вы можаце ведаць яго, напрыклад, па фільмах «На ігле» альбо «Мільянер з трушчоб» — спектакль выклікаў абсалютнае захапленне публікі і гадамі паспяхова ішоў у праекце Theatre HD. Тым самым, што паказвае трансляцыі і запісы тэатральных пастановак на вялікім экране. Фішка з абменам ролямі паміж двума выбітнымі акцёрамі прымушае адкрыць два варыянты «Франкенштэйна», каб убачыць найвышэйшы акцёрскі пілатаж і выбраць для сябе, хто ў якой ролі глядзіцца лепш. Тэатр зробіць даступнымі да прагляду абодва спектаклі.

Дзе глядзець: спасылкі шукаць на сайце тэатра.

Калі глядзець: з Камбербэтчам у ролі Франкенштэйна з 30 красавіка да 7 мая; з Джоні Лі Мілерам у ролі Франкенштэйна — з 1 да 8 мая.

 

Пятніца: «24 гадзіны і сабака», Malpaso Dance Company (Гавана)

Malpaso Dance Company of Havana, "24 Hours and a Dog" phot… | Flickr

Пятніцу аддаём сучаснаму танцавальнаму тэатру, у прыватнасці Кубінскаму калектыву Malpaso Dance Company, які з часу свайго стварэння ў 2012 годзе стаў у сябе на радзіме адной з самых запатрабаваных танцавальных труп. Malpaso дае дарогу маладым кубінскім творцам, а таксама супрацоўнічае з міжнароднымі харэографамі, набіраючы балы на карысць сваёй міжнароднай рэпутацыі. Калектыў паспяхова выступае на замежных пляцоўках, але першым за межамі Кубы яго паказаў Тэатр Джойс, адзін з цэнтраў сучаснага танца ў Нью-Ёрку. Уласна Тэатр Джойс і ўключыць адну з пастановак Malpaso Dance Company анлайн — гэта будзе «24 гадзіны і сабака» пад музыку ўладальніка Грэмі Артура О’Фарыла.

Дзе глядзець: спасылку шукаць на сайце Тэатра Джойс.

Калі глядзець: 1 мая а сёмай паводле нью-ёркскага часу і а другой гадзіне ночы паводле беларускага часу.

 

Субота — «Кароль Лір» Уладзіміра Шчэрбаня, Беларускі Свабодны тэатр

Той самы спектакль, дзякуючы якому шэкспіраўскія персанажы на шэкспіраўскай сцэне загаварылі па-беларуску — прэм’ера «фарс-нуарнага» спектакля «Кароль Лір» у драматургічнай апрацоўцы Мікалая Халезіна і пастаноўцы Уладзіміра Шчэрбаня адбылася ў 2012 годзе ў лонданскім тэатры «Глобус». Па словах відавочцаў, трупа тады выходзіла на паклон да публікі сем разоў.

Свабодны тэатр піша, што пры стварэнні сучаснага Ліра абапіраўся на ўласны досвед «тыраніі і выгнання», а сама гісторыя Караля Ліра ўтрымлівае ў сабе паралелі з беларускай гісторыі.

Дзе глядзець: на YouTube-канале тэатра.

Калі глядзець: а 19 гадзіне 2 мая.

 

Нядзеля: Канцэрт грузінскага ансамбля «Эрысіёні»

Адзін з вядучых у Грузіі і, напэўна, адзін з найвыключнейшых у свеце ансамбль песні і танца «Эрысіёні» ў час пандэміі выклаў у агульны доступ свой колішні канцэрт, а гэта пышныя касцюмы, віртуозная інструментальная музыка, шматгалосыя спевы, танцы і імітацыя паядынкаў. То-бок усё тое, чым створаны ў 1885 годзе «Эрысіёні» скараў і скарае публіку па ўсім свеце.

Дзе глядзець: на Facebook-старонцы ансамбля.

Калі глядзець: калі заўгодна.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Ці праўда, што ўзмацніліся праверкі на беларускай мяжы? Што вядома

Ці праўда, што ўзмацніліся праверкі на беларускай мяжы? Што вядома

Усе навіны →
Усе навіны

А вы ведалі, што ў Мінску працуе «Донер Трамп»? Што там прапануюць?2

Лукашэнка сёння ляціць у Расію13

«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы75

Выйшаў на свабоду медыяменеджар і былы футбаліст Сяргей Капанец1

Так выглядае Часаў Яр пасля захопу расіянамі ФОТЫ23

Насту Лойку перавялі на паўгода ў памяшканне камернага тыпу1

Пракуратура Польшчы пачала папярэдняе следства па справе аб візах PBH. Іх атрымлівалі ў асноўным беларускія айцішнікі8

Ціханоўскі адказаў Лукашэнку наконт палітвязняў: Проста зараз 20 аўтобусаў будзе на мяжы, трэба будзе, будзе 100 — забярэм усіх29

Найлепшы сярод падобных. Дзе можна знайсці копіі Мінскага планетарыя1

больш чытаных навін
больш лайканых навін

Ці праўда, што ўзмацніліся праверкі на беларускай мяжы? Што вядома

Ці праўда, што ўзмацніліся праверкі на беларускай мяжы? Што вядома

Галоўнае
Усе навіны →

Заўвага:

 

 

 

 

Закрыць Паведаміць