На вуліцы Стэфаніі Станюты ў Мінску больш няма помніка сербу Срэтану Карычу. 

Пра гэта «Нашай Ніве» паведамілі журналісты «Белсата», якія здымалі ў Мінску праграму-расследаванне «Давайце разбірацца».

Срэтан Карыч — гэта сербскі бізнэсмен, адзін з заснавальнікаў бізнэс-імперыі BK Group, у склад якой уваходзіць кампанія Dana Holdings, што забудоўвае Мінск шматпавярховікамі. 

Пра тое, што ў ахоўнай зоне на беразе Цнянскага вадасховішча з'явіўся помнік Карычу, стала вядома ў лютым. Мінчукі нават сабралі паўтары тысячы подпісаў пад петыцыяй да ўладаў з просьбай патлумачыць, хто ўзгадняў гэты манумент. 

Хочаш падзяліцца важнай інфармацыяй ананімна і канфідэнцыйна?