07.05.2020 / 15:49

Нямецкая бундэсліга адновіцца 16 мая

Правядзенне матчаў Бундэслігі пачнецца з 16 мая, паведаміў кіраўнік футбольнага аддзела Bild Крысціян Фальк, піша sports.ru

«Новае рашэнне: у пятніцу (15 мая) гульняў не будзе. Бундэсліга пачынаецца ў суботу, 16 мая», — напісаў Фальк у твітары.

Пазней інфармацыю пацвердзіў генеральны дырэктар Бундэслігі Крысціян Зайферт на прэс-канферэнцыі. Адным з першых матчаў 16 мая стане сустрэча дортмундскай «Барусіі» і «Шальке».

Раней аднаўленне сезона ў Нямеччыне было афіцыйна ўхвалена ўладамі краіны.

У сярэдзіне сакавіка ўсе чэмпіянаты ў Еўропе былі прыпыненыя. Першынство разыгрываецца толькі ў Беларусі, а 9 мая стартуе чэмпіянат на Фарэрах.

Чэмпіянаты ў Нідэрландах, Бельгіі і Францыі вырашылі не аднаўляць.

Хочаш падзяліцца важнай інфармацыяй ананімна і канфідэнцыйна?

NN.by

Каб пакінуць каментар, калі ласка, актывуйце JavaScript у наладах свайго браўзеру