Алег Краўцоў — другі медык з Ліды, якога закрылі на суткі. Яму 31 год, праўда, медыцына для хлопца толькі падпрацоўка. Пастаянна ён працуе ў мясцовай краме «5 Элемент», але пару разоў на месяц выходзіць на змену ў брыгаду хуткай дапамогі. Працуе фельчарам.
Краўцова затрымалі раніцай 8 мая ў судзе Лідскага раёна. Ён прыйшоў туды падтрымаць свайго калегу, фельчара хуткай дапамогі Паўла Палейчыка, якога асудзілі на 7 сутак за ўдзел у сустрэчы з блогерам Ціханоўскім. Сустрэча праходзіла яшчэ 22 красавіка.
Чытайце таксама: Фельчар з хуткай у Лідзе заявіў пра ціск на працы — і атрымаў 7 сутак
«Не трэба баяцца, трэба аб’ядноўвацца. Бо калі мы слабыя, мы баімся. Дайшлі да таго, што людзі, здаецца, сталі гатовыя да Паўночнай Карэі. Заўтра абвясці, што ўсё, бар’ер, мы гатовыя ўсё закрыць — і ніхто нічога не захоча зрабіць. Усе разам дружна ступяць у «шчаслівую будучыню», — выказаўся на сустрэчы Краўцоў. — Але сітуацыя, у якой мы знаходзімся, — кожны сам вінаваты ў гэтым. Народ заслугоўвае свайго правіцеля. Мы бачым прыклад той жа Арменіі, дзе людзі былі незадаволеныя і штосьці змянілі. Пакуль у нас не будзе крытычнай масы, няма на што спадзявацца. Ніхто за вас нічога не зробіць».
Самога Краўцова ў дзень затрымання, 8 мая, і асудзілі. Ён таксама атрымаў 7 сутак.
Цяпер чытаюць
«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м2
Каментары